ياسمين عبد العزيز عن سبب طلاقها من أحمد العوضي: أقسم بالله مش الخيانة
تحدثت الفنانة ياسمين عبد العزيز، عن تفاصيل طلاقها من الفنان أحمد العوضي، موضحة أن الخيانة ليست السبب الحقيقي وراء انفصالهما.
سبب طلاق ياسمين عبد العزيز وأحمد العوضي
وقالت ياسمين عبد العزيز، في لقائها مع الإعلامية إسعاد يونس، في برنامجها صاحبة السعادة: أقسم بالله سبب الطلاق مش خيانة، وفيه ناس مؤذية كتير بقالهم سنين بيأذوني وربنا يجبلي حقي، وأكيد لو خيانة أنا مش هسكت، والجمهور الحقيقي اللي بيحبنا بيحبنا مع بعض، فيه ناس قلبها أسود وحقودة مبيحبوش يشوفوا اتنين بيحبوا بعض ميعرفوش يعني إيه حب.
وأضافت ياسمين عبد العزيز باكية: أكيد كان فيه مشاكل قبل الطلاق، وأنا مش بحب أحمد أنا بعشقه، أنا لما حبيت أحمد اكتشفت إني مكنتش بحب قبل كده، وإن أحمد هو أول حب في حياتي.
واستكملت ياسمين عبد العزيز: أنا كنت فاكرة أن قبل كده ده حب ولكن هو مش كده، أحمد الحب الحقيقي، أنا عن نفسي عملت استخارة وعمرة واللي ربنا رايده يكون، وعارفة إنه بيحبني وهو عارف إني بحبه.
كما علقت ياسمين عبد العزيز، على تنبأ ليلى عبد اللطيف بطلاقها من أحمد العوضي، قائلة: طبيعي أي اتنين بيتطلقوا بيكون فيه قبلها مشاكل وناس حوالينا عارفين وأكيد بلغوا، ومفيش حد بيعلم الغيب إلا ربنا.
طلاق ياسمين عبد العزيز وأحمد العوضي
وسبق أن أعلنت الفنانة ياسمين عبد العزيز، طلاقها من الفنان أحمد العوضي، وكتبت عبر حسابها الشخصي بموقع فيسبوك: تم الطلاق بيني وبين أحمد.. وبيننا كل الاحترام والتقدير، وبعدها أعلن العوضي على حسابه الرسمي بـ فيس بوك، معلقًا: تم الطلاق الرسمي بيني وبين ياسمين عبد العزيز، وسيظل بيننا كل الاحترام والتقدير.
