هفضل شايل ذنبه.. أول تعليق من عصام صاصا بعد الإفراج عنه
علق مؤدي المهرجانات عصام صاصا، على أزمته الأخيرة بعد واقعة حادث دائري المنيب ووفاة شخص أثناء عبوره الطريق.
وكتب عصام صاصا عبر ستوري حسابه الشخصي بموقع إنستجرام: الحمد له على قضاء ربنا اللهم لا اعتراض، ربنا يرحم الراجل اللي أنا هفضل شايل ذنبه طول عمري، بس ربنا شاهد على اللي حصل ومحدش هيحس باللي أنا شوفته وعيشته الساعات اللي فاتت.
وتابع عصام صاصا: ربنا يصبر أهله ويرحمه وشكرا لكل اخواتي اللي سألوا عليا وشكرا لكل الناس اللي دافعت عن عصام وعارفة إن عصام عمره ما يأذي حد بس ده قضاء ربنا.
وأضاف عصام صاصا: أنا طبعا ليا حق الرد بس أنا فعلا تعبان جدا واللي أنا فيه مش سهل، ياريت تقدروا ده ولما أحس إني بقيت أحسن شوية، هوضح كل حاجة.
القبض على عصام صاصا
وكانت الأجهزة الأمنية في الجيزة، ألقت القبض على مطرب المهرجانات الشعبية عصام صاصا، وذلك بتهمة دهس شخص أعلى الطريق الدائري في منطقة المنيب، وانتقلت قوة أمنية لفحص البلاغ وكشف ملابسات الحادث، حيث تبين مصرع شخص بعد تعرضه إلى حادث تصادم سيارة ملاكي أعلى الطريق الدائري بالمنيب، وتم نقل الجثة إلى مشرحة المستشفى كما تم تحرير المحضر اللازم بالحادث وإسناد التحقيقات لجهات التحقيق المختصة.
كما أكد شقيق مؤدي المهرجانات عصام صاصا، في تصريحات خاصة لـ القاهرة 24 أن عصام صاصا خصص مرتب شهري لأسرة المتوفي على الطريق الدائري قائلا: هنعوضهم بمبلغ محترم ومعاش شهري، وقدم واجب العزاء لأسرة الفقيد.
