اللي مات مش بيفارق عيني..عصام صاصا بعد الإفراج عنه: ليه الناس شايفاني وحش؟
أعرب مغني المهرجانات عصام صاصا عن حزنه الشديد بعد وفاة الشخص الذي دهسه على طريق الدائري، مستنكرا هجوم الجمهور عليه.
عصام صاصا: الراجل اللي مات مش بيفارق عيني
ونشر عصام صاصا عبر حسابه الشخصي على موقع الفيس بوك، وكتب: كل اللي بيحبوني واللي مبيحبونيش واللي شمتانين فيا يركزوا في الكلام ده، طبعا الحمد لله على كل حال وكل اللي يجيبه ربنا خير، بس ليه الناس شايفاني وحش؟ ربنا اللي يعلم أنا الموضوع ده مأثر فيا قد إيه ويا رب ما حد يتحط في ربع الموقف اللي أنا فيه.
وأضاف عصام صاصا: ربنا يرحم الراجل اللي أنا شايل ذنبه، وشكله مبيفارقش عيني من ساعة اللي حصل، ويصبر أهله، بس فيه حاجات محدش يعرفها لازم أطلع أوضحها بس أنا مش قادر أحكي حاجة دلوقتي من التعب اللي أنا فيه.
في الإطار نفسه، كان عصام صاصا نشر عبر خاصية استوري على موقع تبادل الصور والفيديوهات إنستجرام، معلقا على قرار الإفراج عنه بعد خضوعه لتحليل مخدرات: الحمد لله على قضاء ربنا اللهم لا اعتراض، ربنا يرحم الراجل اللي أنا هفضل شايل ذنبه طول عمري، بس ربنا شاهد على اللي حصل ومحدش هيحس باللي أنا شوفته وعيشته الساعات اللي فاتت.
وأضاف عصام صاصا: ربنا يصبر أهله ويرحمه وشكرا لكل إخواتي اللي سألوا عليا وشكرا لكل الناس اللي دافعت عن عصام وعارفة إن عصام عمره ما يأذي حد بس ده قضاء ربنا.
