لبلبة: عاصرت كل الأجيال وكل أصحابي ماتوا.. وعاطف الطيب أعاد اكتشافي
أعربت الفنانة لبلبة عن حزنها الشديد بعد رحيل أصدقائها من الوسط الفني، وآخرهم الفنان الراحل صلاح السعدني، مشيرة إلى أن المخرج عاطف الطيب صاحب الفضل في اكتشاف موهبتها الفنية.
لبلبة: عاصرت كل الأجيال.. والسعدني غالي عليا
وقالت لبلبة على هامش تكريمها من مهرجان بردية لسينما الومضة في دورته الأولى: أنا مش محضرة كلمة ومكنتش عارفة إني هتكلم واللي في قلبي من غير ترتيب، إني بشكر المهرجان لتكريمي ودا شيء يسعدني جدًا إنه يكون هو اللي بيقدملي ده على رحلتي، وشرف أما يبقى باسم عاطف الطيب وهو اللي أعاد اكتشافي وبعد ما كنت بضحّك الناس بكيتهم بالفيلمين اللي عملتهم معاه.
وأضافت لبلبة: ضد الحكومة من أجمل أعمالي اللي قدمتها مع عاطف الطيب، وهو مكنش مبسوط مني في البداية وكنت برجع أعيط لوالدتي عشان مش بيقولي هايلة بعد المشهد، ووالدتي قالتلي كلميه وأما كلمته أسأله أنت مبسوط مني قالي أيوة قولتله عشان المخرجين بيقولولي ممتاز بعد ما بخلص قالي طالما قولتلك اللي بعده يبقى عجبني.
وأضافت لبلبة: أجمل أيام حياتي مع العبقري نور الشريف وأنا محظوظة إني اشتغلت مع الكبار، وربنا اداني العمر وعاصرت الكل، وأصحابي راحوا وماتوا وآخرهم صلاح السعدني، وإحنا بنعزي نفسنا لأنه كان حاجة عظيمة، وهو غالي عليا الله يرحمه ومش ممكن هننساه.
وحرص مهرجان بردية لسينما الومضة، برئاسة الكاتب عبد الرحيم كمال، على تكريم الفنانة لبلبة على مجمل أعمالها.
أعمال لبلبة
وعلى جانب آخر، تعكف الفنانة لبلبة على انتهاء تصوير فيلم عائلة المكسيسي، مع الفنان أحمد فهمي، والمقرر طرحه ضمن موسم أفلام عيد الأضحى المبارك.
