مايا دياب: معشتش طفولتي واشتغلت وأنا عندي 13 سنة.. والمرأة في لبنان مش واخدة حقها
تحدثت الفنانة مايا دياب عن العديد من الموضوعات بحياتها الشخصية، منها طفولتها التي أشارت إلى أنها لم تعيشها بشكل صحيح، كما علقت مايا دياب على فكرة إنصاف المرأة بالمجتمعات.
وقالت مايا دياب خلال لقائها مع أنس بوخش، ببرنامج AB Talks: اشتغلت وأنا عندي 13 سنة وفي الوقت اللي كان المفروض أتبسط فيه كنت بشتغل وبروح المدرسة في وقت واحد، حياتي كلها شغل من طفولتي لـ دلوقتي، والشخص اللي بيشتغل من بدري بينسى يعني إيه طفولة، فبعوض طفولتي في بنتي.
وأضافت مايا دياب: في بلدي المرأة ما خدتش حقها، فأنا مناصرة للمرأة بشكل كبير، وبلاقي إن هي النهاردة اتقدمت كتير في كل المجالات في كل الدول العربية، لكن في لبنان لسة متأخرين جدًا في حقوقها المدنية وكل الحقوق.
مايا دياب: بكره كلمة ست مطلقة
وأكملت مايا دياب، متحدثة عن علاقتها بطليقها بعد الانفصال: لما كنت بتسأل طول الفترة اللي فاتت إنتي مطلقة ولا متجوزة؟ مكنتش بجاوب، كنت عايزة أحافظ على حب العيلة لبنتي، لأن باباها كان بييجي يشوفها وقت ما يحب، ومعنديش شروط خالص لده، ده أبوها وإنسان كنت بحبه ومازلت بحبهم، وبكره كلمة مطلقة، هي يا إما متزوجة يا إما single.
