حفلة امبارح وحفلة بكرة.. عصام صاصا يحيي حفلات في الإمارات بعد يومين من تورطه بدهس شخص| خاص
أحيا مطرب المهرجانات عصام صاصا حفلا غنائيا أمس على خشبة مسرح The Show بدولة الإمارات، وذلك بالتزامن مع الإفراج عنه بعد تورطه في دهس شخص على طريق الدائري يوم الاثنين الماضي.
عصام صاصا يحيي حفلا في الإمارات.. والدخول بـ6500 جنيه
وعلم القاهرة 24 من مصادره الخاصة، أن مطرب المهرجانات عصام صاصا، أحيا حفلا غنائيًا أمس رفقة حمو بيكا وإسلام ساسو، على خشبة مسرح The Show في دولة الإمارات العربية المتحدة، ويأتي ذلك بالتزامن مع دهسه لشخص على طريق الدائري، رغم إعلانه دخوله في حالة حزن بسبب الضحية التي توفيت في الحادث الأليم.
وأكد المصدر، أن عصام صاصا أيضا يحي حفلا غنائيا غدا السبت، على نفس المسرح The Show رفقة الراقصة katrina، وDJ طارق، وتيك الحجز بـ500 درهم بما يعدل 6500 جنيه.
عصام صاصا يستنكر هجوم الجمهور: اللي مات مبيفارقش عيني
وبالرجوع إلى تصريحات عصام صاصا بعد الإفراج عنه مباشرة، والتي نشرها عبر حسابه الشخصي على موقع الفيسبوك يوم 7 مايو، قبل حفل أمس بيومين فقط، قال فيها: كل اللي بيحبوني واللي مبيحبونيش واللي شمتانين فيا يركزوا في الكلام ده، طبعا الحمد لله على كل حال وكل اللي يجيبه ربنا خير، بس ليه الناس شايفاني وحش؟ ربنا اللي يعلم أنا الموضوع ده مأثر فيا قد إيه ويا رب ما حد يتحط في ربع الموقف اللي أنا فيه.
وأضاف عصام صاصا: ربنا يرحم الراجل اللي أنا شايل ذنبه، وشكله مبيفارقش عيني من ساعة اللي حصل، ويصبر أهله، بس فيه حاجات محدش يعرفها لازم أطلع أوضحها بس أنا مش قادر أحكي حاجة دلوقتي من التعب اللي أنا فيه.
القصة كاملة لدهس عصام صاصا شخص على دائري المنيب
يذكر أن الأجهزة الأمنية بمديرية أمن الجيزة، ألقت القبض على مطرب المهرجانات الشعبي عصام صاصا، بتهمة دهس شخص أعلى دائري المنيب، وذلك يوم 6 مايو الحالي، وبعدما تلقت المديرية بلاغا من مستشفى الهرم بوصول جثة هامدة لشخص جراء حادث تصادم أعلى الطريق الدائري، وعلى الفور تم اتخاذ الإجراءات اللازمة.
تحريات حادث عصام صاصا
وكشفت التحريات الأولية في واقعة عصام صاصا، والتي دهس فيها شخص يدعى أحمد مفتاح يبلغ من العمر 40 عاما أعلى دائري المنيب، أن الحادث وقع في أثناء عودته من حفله على طريق الدائري قبل نزلة المريوطية على طريق المنيب.
وبدوره، قال عصام صاصا في التحقيقات، إنه لم يهرب بعد الحادث للأطمئنان على هذا الشخص الذي دهسه، متابعًا: وقفت لحد الشرطة ما جت ومهربتش، ومكنتش قاصد أموته، وهو كان بيعدي الشارع من مكان غير مخصص لعبور المشاة في طلعة وصلة المريوطية من الطريق الدائري، وأنا كنت جاي من المعادي والحادثة حصلت الساعة 7 ونص.
تحليل مخدرات لـ عصام صاصا بسبب دهسه شخص
وأمرت جهات التحقيق، بإجراء تحليل مخدرات لـ مطرب المهرجانات عصام صاصا، في اتهامه بقتل شخص بعد دهسه على دائري المنيب.
الإفراج عن عصام صاصا.. والأخير يعلق
وحصل عصام صاصا على أمر الإفراج عنه بعد خضوعه لتحليل مخدرات، وفي أول تعليق قال صاصا عبر استوري انستجرام: الحمد له على قضاء ربنا اللهم لا اعتراض، ربنا يرحم الراجل اللي أنا هفضل شايل ذنبه طول عمري، بس ربنا شاهد على اللي حصل ومحدش هيحس باللي أنا شوفته وعيشته الساعات اللي فاتت، ربنا يصبر أهله ويرحمه وشكرا لكل اخواتي اللي سألوا عليا وشكرا لكل الناس اللي دافعت عن عصام وعارفة إن عصام عمره ما يأذي حد بس ده قضاء ربنا.
