المتهمة الثانية بخطف نجل وزير أسبق: شوفتله شات شذوذ مع جوزي.. واتخاصمنا شهر بسببه | خاص

يستكمل القاهرة 24 انفراده بنشر التحقيقات بواقعة خطف ع. ح، نجل وزير أسبق،  بالتحايل والإكراه، إذ تبين وجود علاقة صداقة بين المجني عليه والمتهم الأول، عرف من خلالها المتهم أن الضحية ميسور الحال، فشكّل مع باقي المتهمين تشكيلًا عصابيًا مكونًا من 10 أشخاص لخطفه.

اعترافات المتهمة الثانية بواقعة خطف نجل وزير أسبق

وقالت مي. س المتهمة الثانية، وزوجة المتهم الأول بواقعة خطف ع.ح نجل وزير أسبق في القضية رقم 11917 لسنة 2023، والمقيدة برقم 2233 لسنة 2023 كلي أكتوبر: اللى حصل إن أنا كنت متجوزة قبل كدة وخلعته بتاريخ 31/12/2022، وكنت مخلفة منه 5 عيال وانفصالنا عن بعض، وبعدها اتعرفت على م. ح في شهر 9/2022 وكان ماشي معيا في إجراءات الخلع بتاعت جوزي الأولاني، وفعلًا انفصلت عن جوزى الأولاني، وعملت مشروع أنا وم.ح - بتاع مكملات غذائية، وحبينا بعض وعرض علي الزواج وفعلا إتزوجنا في شهر مايو 2023.

علاقة شاذة وعُري.. تفاصيل اعترافات المتهم بـ خطف نجل وزير سابق | بث مباشر

المتهم بخطف نجل وزير أسبق: بعد القبض علي شركائي قولتله اتنازل وهمسح الإسكرينات |خاص

واقعة خطف نجل وزير أسبق

وأضافت مي. س: وبعدها سافرنا الغردقة مصيف وكنت مسكت تليفون م.ح، جوزي لقيت شات بينه وبين  نجل وزير أسبق وبيقوله في الشات كلام غريب كدة، وكان بيقول له، إنه نفسه يبوسه ويحضنه، ولما عرفت جوزي إنى شوفت الشات ده، اتخانق معايا وفضلنا متخصمين لمدة شهر تقريبا.

وأكملت المتهمة الثانية بواقعة خطف ع.ح نجل وزير أسبق: وبعدها رجعنا لبعض، ولما رجعت اكتشفت إن جوزي لسه بيكلم  نجل الوزير الأسبق، وأنا قولتله إن ده شذوذ، والعلاقة اللى بينكم دي حرام وجوزي قالي متخفيش أنا مش هعمل معاه علاقة، وفضلوا يكلموا بعض على الشات، وفضل  نجل الوزير يعرض على  جوزي، إنه يعمل معاه علاقة شاذة، واللي أعرفه إن جوزي مكنش بيعمل معاه العلاقة دي.