تفاصيل طرح أغنية بسمة بوسيل من إنتاج تامر حسني
تصدر اسم الفنانة بسمة بوسيل مواقع السوشيال ميديا بعد طرحها أغنية البدايات، عبر قناتها بموقع يوتيوب والمنصات الموسيقية المختلفة، وهي من إنتاج الفنان تامر حسني.
بسمة بوسيل وتامر حسني يشتركان معًا في أغنية البدايات
وشاركت بسمة بوسيل جمهورها بـ البوستر الرسمي لـ أغنيتها الجديدة عبر حسابها الرسمي بموقع تبادل الصور والفيديوهات إنستجرام وعلقت عليه قائلة: اسمعوا أغنيتي الجديدة البدايات، دلوقتي على يوتيوب وجميع منصات الاستماع، إن شاء الله تعجكم، ومستنية رأيكم.
بسمة بوسيل: لما قولت لتيمو إني عاوزة أعمل أغنية وافق على طول
وتابعت بسمة بوسيل عن موافقة تامر حسني على إنتاج أغنية البدايات لها قائلة: الأغنية دي بتاعت تيمو، ولما قولت ليه إني عاوزة أعمل أغاني ليا على طول شجعني وقالي طب أول أغنية ليكي أنا هعملهالك.. وطلبت منه دي عشان كنت بحبها أوي، فمترددش لحظة إنه يديهالي، ودي أول أغنية رسمية في مشواري الفني.
تامر حسني لـ بسمة بوسيل: إحساسك هو الموضوع
وهنأ تامر حسني بسمة بوسيل بطرح أغنية البدايات بعد حديثها عنه قائلًا: الدنيا كلها ماتغلاش عليكي يابسوم، ألف مليون مبروك وغنيتيها غنا بجد، أيوا أنا المدرب، والمنتج بس إحساسك هو الموضوع.
وتابع حديثه: كل سنة وأنتي طيبة ويارب من اليوم ده كل أيامك في نجاح وفرح وانتصارات شكرًا لصناع الأغنية المؤلف الكبير أيمن بهجت، والملحن الكبير محمد يحيى والموزع الكبير فهد ومهندس الصوت مصطفى رؤوف.
كلمات أغنية البدايات لـ بسمة بوسيل
وجاءت كلمات أغنية البدايات كالتالي: البدايات أجمل بص حواليك واسأل، كل حاجة حلوة في أولها ياريت حلاوتها تكمل، حتى الوردة بتدبل وبنسكت وبنقبل.. والسنين بتحط مسافة كل مدى بتطول، البدايات أجمل بص حواليك واسأل، كل حاجة حلوة في أولها ياريت حلاوتها بتكمل، حتى الوردة بتدبل وبنسكت وبنقبل، وهي من إنتاج تامر حسني، وكلمات أيمن بهجت قمر، وألحان محمد يحيى.
