تتخطى 14 ألف جنيه| مايوهات هادية غالب تتصدر التريند بسبب الأسعار.. ومستخدمون: هنأجرها باليوم
تصدرت التريند البلوجر ومصممة الأزياء الشهيرة هادية غالب عبر مواقع التواصل الاجتماعي بعد إصدار أحدث صيحات المايوهات الصيفية لموسم 2024، بسبب ارتفاع أسعاره التي أثارت الجدل بين المتابعين على صفحات التواصل.
سعر مايوه هادية غالب
أصدرت مصممة الأزياء الشهيرة هادية غالب، أحدث التصميمات للمجموعات الصيفية الجديدة من مايوه هادية غالب، الذي اعتاد أن يثير الجدل بين النساء عبر مواقع التواصل الاجتماعي بسبب ارتفاع أسعاره وألوانه المميزة.
مما تصدر الترند عبر صفحات مستخدمي منصات فيسبوك وإكس، خاصًة بعد الكشف عن أسعار التصميمات الحديثة لـ مايوهات هادية غالب بموسم الصيف 2024، والتي تتراوح أسعارها من 13،972حتى 14،972 ألف جنيه، والتي أثارت الجدل المعتاد بين الفتيات والسيدات عبر المواقع.
شراء مايوهات هادية غالب
وحسب ما كشفت عنه البلوجر هادية غالب في أحدث فيديوهاتها عبر منصة تيك توك، أعلنت عن إصدار خط إنتاجي جديد للرجال من هذه المايوهات والتي تصل أسعاره إلى 4000 ألف جنيه، وقالت: ولأول مرة منزلين كوليكشن مايوهات رجالي، عشان تعملوا ماتشينج مع الناس اللي بتحبوهم أو صحابكم، وها تبقوا أحلى شلة في الصيف السنة دي، وزي كل سنة بـ نطور من نفسنا وبنشتغل مع مصانع عالمية عشان نطلع لكم منتج يليق بيكم.
صور مايوهات هادية غالب
وذلك هو ما دفع الفتيات والسيدات نحو التعليقات الساخرة من هذا الترند التي تصدرته مصممة الأزياء الشهيرة عبر مواقع التواصل الاجتماعي بسبب ارتفاع أسعار المايوهات، وعلقت إحدى متابعين مواقع التواصل قائلة: Search طريقه عمل مايوه غالب في البيت، والأخرى: ده اغلى من سعر المصيف، وعقبت متابعة أخرى: أنا بفكر اجيب قماش وأعلمكم مشروع مايوهات هادية غالب المضروبة.
هطلعه إيجار بـ الليلة.. تعليقات المتابعين
وأضافت مستخدمة أخرى ساخرة: هعمل مشروع يا إخواتي وأتمنى ألاقي الدعم.. هجيب مايوه هادية غالب وأطلعه إيجار بالليلة وربنا يرزقني ويرزق أي حد بيسعى.
ولكن أنتقد بعض الفتيات هذا الهجوم على البلوجر هادية غالب، وشاركوا منشورات موضحة: هادية غالب نزلت الكولكشن الجديد واللي هو حقيقي أحلى كتير من بتاع السنة اللي فاتت، ومايوه هادية غالب هو ترند الصيف، ولو سمحتم محدش يجيب سيرتها بسوء في الكومنتات، أنا بحبها وبحترمها ويمكن قدام تتطور من منتجها أكتر.
مايوه هادية غالب مش للمحجبات.. تعليقات المستخدمين
وشاركت أخرى: خناقة هادية غالب بدأت بدري قوي السنة دي بجد، ونفسي الناس تفهم أن هادية غالب بتستهدف طبقة معينة من الناس ودي مش طبقية منها ده طبيعي في أي بزنس والطبقة دي بالنسبالها 14 ألف في مايوه ده كويس، محدش يتهم هادية غالب بالغباء إنها منزلة مايوه بالسعر ده.. مايوه هادية غالب ده مش مايوه محجبات والبوركيني مش حكر على المحجبات، عشان كده فنانات كتير اشتروه السنة اللي فاتت ولبسوه وهما مش محجبات، هدوا أعصابكم كده زي ما في مايوه بـ 14 ألف لسة في مايوهات ب 200 جنيه عادي.
