طليقة حسن شاكوش عن عصام صاصا: بقى مريض نفسي من وقت الحادث
علقت ريم طارق، طليقة مؤدي المهرجانات حسن شاكوش، على واقعة حادث عصام صاصا، قائلة إن المطرب أصبح مريضا نفسيا عقب الحادث.
طليقة حسن شاكوش تعلق علي حادث عصام صاصا
وقالت ريم طارق، عبر خاصية الإستوري عبر تطبيق إنستجرام: ربنا يرحم اللي مات ويرحم اللي عاش، مهما اتكلمت مش هقدر أصبر أهل الضحية، ولكن حالة عصام صعبة ارحموا.
وأضافت طليقة حسن شاكوش: عصام شاب عنده 24 سنة فجأة لقي نفسه قاتل واحد هو مقصدش يموته، وجهاد مراته حاولت إسعاف المتوفى لكنها لم تتمكن من ذلك.
وتابعت طليقة حسن شاكوش، أن مطرب المهرجانات عصام صاصا لم يعد لطبيعته عقب الحادث، حيث علقت: أصبح مريضا نفسيا بسبب الحادث.
ومن جانبه نشر مطرب المهرجانات عنبة، مقطع فيديو عبر حسابه على موقع إنستجرام تعليقًا على الأزمة التي يمر بها مطرب المهرجانات عصام صاصا، إثر تورطه بالتسبب في وفاة شخص في حادث تصادم أعلى الطريق الدائري.
حادث عصام صاصا
وقال عنبة: أول حاجة إنا لله وإنا إليه راجعون.. أنا طالع بقدم خالص التعازي لأسرة ضحية حادث عصام صاصا.. ربنا يرحمه ويصبركم أنا حاسس بيكم.. بنت عمي توفيت من 4 سنين أو أكتر وهي في زهرة شبابها على طريق وهي بتعدي بردوا.. العربية خبطتها وجريت ومحدش وقف.
وتابع: أنا عارف إن مافيش فلوس في الدنيا هتعوض ابنكم حاجة سيبكم من الكلام اللي بيتقال.. ودي رسالتي لأسرة الضحية أنا مش بلومكم في حاجة.. ربنا يصبركم موقف صعب من الطرفين انتم مدمرين نفسيًا وهو مدمر نفسيًا.
وأضاف مطرب المهرجانات عنبة: اللي عايز أقوله هو مش بيخبط أي حد ومش بيدوس على الناس بفلوسه وبلاش حد يفهمكم حاجة عن الراجل اللي انتم مش شايفين حالته بسبب الحادث ده إيه.. الله يرحم الشخص اللي مات وأنا طالع أقول للناس على النت مهتمة باللي عمل الحادثة وعمالين يدبوا فيه ومحدش مهتم حتى يدعي للراجل.. وده اسمه استغلال وتريند.. أبوس إيديكم يا تعزوا الناس يا تخرسوا.
