زوجة عصام صاصا تدافع عن زوجها بعد دهسه مواطنا: الظلم حرام وإحنا لينا حق الرد
دافعت زوجة عصام صاصا، عن مغني المهرجانات بعد أزمته الأخيرة ودهسه لمواطن على الطريق الدائري، حيث أشارت إلى أن الأسرة لها حق الرد على بعض التصريحات التي أدلت بها أهالي الضحية في الفترة الأخيرة.
كما أوضحت أن زوجها مازال يلتزم الصمت بسبب حالته النفسية السيئة التي يمر بها، بعد الحادثة الأخيرة.
وكتب زوجة عصام صاصا ستوري، عبر حسابها الشخصي بموقع إنستجرام قالت فيها: عصام أكثر واحد عمره ما بيرد على كلام الناس، بس الطرف الثاني ربنا يصبرهم يا رب، الإعلام استغلهم وخلاهم يطلع يكلموا في وقت المفروض حد يقف جنبهم ويصبرهم، وخلاهم يكلموا وهما أصلا مكنوش في الواقعة، بيقولوا إن أخوهم كان واقف على رصيف غلط الكلام ده غلط ومن أول يوم وعصام قال أقواله في النيابة إن الراجل ظهر في نص الطريق.
زوجة عصام صاصا تدافع عن زوجها بعد دهسه مواطنًا على الدائري
وأضافت زوجة عصام صاصا: بما أن القضية بقت رأي عام وعصام كل دا مطلعش رد عشان الحالة اللي هو فيها متسمحش، بس التجاريح والإشاعات كترت وإحنا لينا الحق الرد، ولازم تسمعوا الحادثة من الطرفين قبل ما تحكموا، النهاردة أنا هطلع أدافع عن جوزي، وفي شهود في الحادثة هيطلعوا ويتكلموا، لأن الظلم حرام أنا جوزي مش بيدوس على ناس بفلوسه، أنا جوزي اللي كنت بتقولوا عليه سواق توك توك جابها من الصفر، برضه أحن قلب وأكثر واحد بيحس بالناس فأنا مش هسمح أن أي كلمة غلط تتقال عليه تاني.
