كريم قاسم: أهلي مش بيضغطوا عليا عشان أتجوز.. وأنا حذر جدًا في اختيار شريكة حياتي
تحدث الفنان كريم قاسم، عن العديد من التفاصيل حول حياته الشخصية، وسبب تأخر زواجه حتى الآن، مؤكدا أنه قرار ليس سهلًا لذلك حريصا في اختيار شريكة حياته.
قال كريم قاسم في تصريحات لـ القاهرة 24:أهلي مش بيضغطوا عليّا علشان أتجوز، وبحمد ربنا، وأنا مش مرعوب من الجواز ولكن حذر جدًا وأنا بفكر في اختيار الشريك وبحاول أتعلم من اللي حواليا اللي أتجوز بدري، واللي اطلقوا، الجواز مش سهل ولا الحياة.
وأكد قاسم قاسم أنه في بداية مشواره الفني كان يرغب في السفر إلى الخارج لدراسة التمثيل، لكن والده رفض، معلقًا: وأنا صغير كنت عايز أسافر بره لدراسة التمثيل وأروح كندا ولكن والدي قالي أدرس هنا ولما تخلص أبقى سافر، واشتغلت ومسافرتش.
تابع كريم قاسم: أنا ممثل مصري وعيشت وتربيت هنا ودي قصص اللي حابب أحكيها، الشغل بره بيدي خبر وبتشوف الناس بتشتغل إزاي ولكن المواضيع اللي بتناقش قضايا العرب محدودة جدًا والأدوار بتكون محصورة في قضية، مفيش قصص غنية بتتكلم عن العرب، زي ما أحنا بنتكلم عن نفسنا.
أعمال كريم قاسم
يشار إلى أن كريم قاسم شارك في بطولة مسلسل زينهم، بطولة الفنان الفنان أحمد داود، من تأليف محمد سليمان عبد المالك وإخراج يحيى إسماعيل، بينما من المقرر أن يبدأ تصوير فيلم ولاد رزق الجزء الثالث خلال الفترة المقبلة.
قصة مسلسل زينهم
تدور أحداث مسلسل زينهم، في إطار من التشويق والإثارة حول الدكتور زينهم الطبيب الشرعي، والذي يواجه العديد من الأحداث الغريبة في المشرحة، ويحل القضايا بمعاونه فريقه.
أبطال مسلسل زينهم
ضم مسلسل زينهم في بطولته مجموعة من أبرز الفنانين، منهم: أحمد داود، كريم قاسم، محمد أبو داود، سلمى أبو ضيف، أحمد الرافعي، عماد رشاد، والعمل من تأليف محمد سليمان عبد المالك، وإخراج يحيي إسماعيل.
