أقوال ضحية ابتزاز شاب بكرداسة: صورني من شرخ باب شقتي وهددني بالفضيحة |خاص
يواصل القاهرة 24 نشر التحقيقات في القضية رقم 40 لسنة 2021، والمتهم فيها شاب يدعي يوسف لقيامه بـ ابتزاز فتاة تدعى إيمان، بأن صور لها عدة صور خلسة وهي في منزلها مستغلا كونه نجل شقيق زوج الضحية “زوجة عم المتهم” ومقيم معها في العقار ذاته، وذلك بهدف ابتزازها لأخذ مبلغ 50 ألف جنيه، وهو ما دفع الضحية إلى تحرير محضر لما لحق بها، لتقنع أجهزة الأمن الفتاة باستدراج المتهم حتى تم إلقاء القبض عليه، وعقب انتهاء التحقيق تم إحالته للمحكمة الجنائية.
أقوال ضحية ابتزاز شاب بكرداسة
وجاءت اقوال الضحية أمام جهات التحقيقات: اسمي إيمان. ع ربة منزل ومقيمة بناهيا مركز كرداسة محافظة الجيزة، وبسؤالها عن سبب وجودها بسرايا النيابة؟ أجابت: أنا جيت عشان النيابة طلبتني في القضية رقم 40 لسنة 2021 اقتصادية جنح منشأة القناطر.
س / متي وأين حدث ذلك؟
ج / الموضوع ده حصل في خلال شهرين أغسطس وسبتمبر سنة 2021 في ناهيا كرداسة بمحافظة الجيزة.
س/ وما سبب مناسبة تواجدك في المكان والزمان حيث التقطت تلك الصور والمقاطع المصورة؟
ج / أنا كنت ببقي في بيتي مع أطفالي
س/ هل من ثمة صلة أو معرفة سابقة بينك وبين المشكو في حقه يوسف. ط. ي؟
ج / أيوة.
س / وما هي طبيعة تلك الصلة؟
ج هو ابن شقيق زوجي ومقيم معانا في نفس العمارة.
س / وهل من خلافات فيما بينك وبين المشكو في حقه سالف الذكر سابقة علي تاريخ الواقعة؟
ج في خلافات، بس مش معايا مع جوزي.
س / ما سبب وطبيعة تلك الخلافات ومتي بدأت؟
ج / هو كان بينه وبين جوزي خلافات قديمة من حوالي 5 سنين على فلوس شغل بس أنا مكنش ليا دخل بيها.
س/ وهل ترقي تلك الخلافات فيما بينكما لما أسفرت عنه الواقعة محل التحقيقات؟
ج / لا أنا عمري ما تخليت أن يوسف ممكن يعمل فيا كده لأي سبب من الأسباب.
س / ومتي نما إلى علمك تواجد صور لك بحوزة المشكو في حقه؟
ج / يوم 30/8/2021 لما رقم غريب على واتساب بعتلي صور بدون ملابس ليا وقالي أني لو مدتلوش 50 ألف جنيه هينشر الصور والفيديوهات علي فيسبوك ويفضحني بيها.
س / هل تلك الصور تخصك بشخصك؟
ج / أيوة.
س / كيف وقفت على ذلك؟
ج / عشان وشي باين فيها.
س / وما الذي تضمنته تلك الصور والمقاطع المصورة تحديدًا؟
ج / صور وفيديوهات متصورة ليا وانا في شقتي بدون ملابس وصور بهدوم البيت في غرفة نومي ومع أطفالي في الشقة.
س/ وما الذي دفعك لتسجيل تلك المحادثة؟
ج عشان خوفت يكون شايل نسخ ثانية من الصور اللي معاه ويرجع يهددني بيها.
س/ وما هي طريقة تحصلك على الصور والمقاطع المصورة الموجودة بوحدة التخزين الإلكترونية المقدمة منك؟
ج / دي الصور اللي كنت بتهدد بيها من رقم دولي
س/ وهل ذلك الرقم يخص المشكو في حقه / يوسف. ط. ي؟
ج هما في مباحث الانترنت قالولي ان ده رقم متهكر ومش حقيقي وبيظهر علي الواتساب كأنه رقم دولي عشان محدش يعرفه على التليفون ووراني الصور الصور والفيديوهات اللي مخبيها عنده.
س / كيف وقفت إذا على ضلوع المشكو في حقه في الواقعة محل الـ حقه في الواقعة محل التحقيقات إذا؟
ج عشان لقيت یوسف عارف تفاصيل عن الموضوع محدش يعرفها وكمان الصور والفيديوهات دي متاخده من البيت عندي وده بيت عيلة محدش بيدخله، وفي الآخر لما جالي وأنا واجهته بكل حاجة حاجة اعترف أن هو اللي مصورني
س / وهل تقفين على كيفية تحصل المشكو في حقه على تلك الصور صور تحديدًا؟
ج / عن طريق تصويري من شرخ في باب الشقة.
س / كيف وقفت على ذلك؟
ج عشان الصور والفيديوهات كلها متأخده بطريقة واحدة بنفس الوضع ونفس الزاوية وفي واحد من الفيديوهات
بيظهر فيها شرخ الباب وبيبان أنه متصورة من برة الشقة بتاعتي.
س / كم عدد تلك الصور التي التقطها ا المشكو في حقه؟
ج / صور وفيديوهات كثير معرفش عددها.
س / أين التقطت تلك الصور؟
ج / اتصورت من جوة بيتي وأوضة نومي.
س / وبأي الأجهزة التقط المشكو في حقه تلك الصور؟
ج / هو صورها بالموبايل بتاعه
س / وهل استرعي انتباهك تواجد المشكو في حقه أمام الشقة خاصتك بشكل آثار رينتك حينها؟
ج / أنا كنت بشوفه كثير على السطح بس أنا مخدتش ولا أديت لأن عمري ما تخيلت انه ممكن يعمل كده.
س/ وما الذي بدر منك لدى رؤيتك إياه متواجدًا امام الشقة محل سكنك؟
ج / أنا لما كنت بشوفه واسأله انت بتعمل ايه هنا يا يوسف كان بيرتبك ويقولي انا جاي أشوفك لو عاوزه حاجة.
س / وهل قام المشكو في حقه بتهديدك باستخدام تلك الصور والمقاطع المصورة؟
ج / أيوة.
س/ ما هي طبيعة ونوع ذلك التهديد؟
ج / هو تهديد كتابي عن طريق تطبيق المحادثات "واتساب"
س / ما هي العبارات التي استخدمها المشكو في حقه تحديدًا؟
ج / كان بيقولي لو منفذتيش طلباتي هفضحك بالصور وقالي أنا عاوز 50 ألف جنيه والا صاحبة الصور دي سيرتها هتبقي علي كل لسان وقالي خافي علي الحاج ابوكي لحسن يعرف أن صورك في كل حتة.
س ما أثر ذلك التهديد في نفسك؟
ج / أنا اترعبت وخوفت اتفضح في البلد وبيتي يتخرب.
س / هل كان ذلك التهديد مصحوب بطلب أو تكليف بأمر؟
ج / أيوة هو طلب مني في الأول 50 ألف جنيه عشان مينشرش الصور وبعدين رفعهم لـ 100 ألف جنيه.
س / ما هي الأمور التي هددك المشكو في حقه بإفشائها؟
ج / الصور والفيديوهات اللي هو صورهالي في بيتي.
س / ومتي تحديدًا تلقيت أول رسالة من المشكو في حقه ؟
ج / يوم 30/8/2021.
س / ما هي كيفية تواصل المشكو في حقه معك ؟
ج / عن طريق رسائل نصية في برنامج الواتساب.
