كريمان تخلع زوجها بسبب الشرابات: مد إيده عليا علشان بتضيع في الغسالة
أقامت كريمان.أ دعوى خلع أمام محكمة الأسرة بالهرم تطالب فيها بالتفرقة بينها وبين زوجها موظف بإحدى البنوك لاستحالة العشرة بينهم بعد أن انهال عليه بالسب والضرب بسبب تضيعها الجوربات.
كريمان تخلع زوجها بسبب الشربات: مد إيده عليا علشان بتضيع في الغسالة
وقفت كريمان أمام قاضي محكمة الأسرة تروي معاناتها بعد زواج دام 4 سنوات، نشبت بينهما خلافات حول الغسيل وبخاصة الجوارب، قائلة: كل مرة يتخانق معايا بسبب طريقتي في الغسيل، وكل شوية يفضل يزعق علشان الشرابات، وأنا مش عارف ألاقيها منين ولا منين، وبدل ما يبقى حنين معايا مد إيده عليا".
خلافات الجوارب تطورت بين كريمان ومصطفى حتى وصلت إلى أنه ألقى عليها يمين الطلاق، بدأت الزوجة تستوعب ما قاله زوجها وهي في صدمة بعد أن عاشت معه قصة حب هانت عليه ولم يتردد في تطليقها، لكنه رفض أن يثبت الطلاق، مردفة: أنا اتزرجت مصطفى عن حب وعيشت معاه أحلى أيامي وخلفت منه طفل، بس لما يوصل إنه يرمي عليا اليمين بسبب الشرابات وبعدها يرفض يثبت الطلاق بعد ما مد إيده عليا يبقى استحالة أعيش معاه.
تكمل الزوجة أمام قاضي محكمة الأسرة قائلة: ذنبي إيه إن الشرابات صغيرة وبتضيع في الغسيل وهل ده يديه الحق أنه يشتمني ويمد إيده عليا، أنا بنت ناس وهو مش جايبني من الشارع".
وقالت نهى الجندي دفاع كريمان إنها توجهت إلى محكمة الأسرة بالهرم بعد تعدي زوجها عليها وأهانتها بسبب الجوارب وقضت المحكمة بتطليقها من زوجها.
