الناس بتقول ده فن؟.. صاحبة تريند أغنية بصباصة لمنتقديها: هدفها تفرفش الناس
ردت نورين أبو سعدة صاحبة تريند أغنية بصباصة، على الانتقادات التي تعرضت لها مؤخرًا بسبب كلماتها، مؤكدة أن الأغنية طرحت منذ 3 سنوات، وكان الهدف منها فرفشة الجمهور.
صاحبة أغنية بصباصه: عملاها من 3 سنين
وشاركت نورين أبو سعدة، متابعيها مقطع فيديو عبر حسابها الشخصي بـ تطبيق تيك توك، جاء فيه: أغنية بصباصة عملتها من 3 سنين، وكلمات بصباصة قماصة أنا كنت متأكدة إنها هتبقى ساوند، بس تقريبًا وقتها كان التيك توك كان لسه بيعمل ساوند على قصة فيروس كورونا وطلع معايا حق، يا جماعة كله يسمع كلامي من هنا ورايح.
وعن الانتقادات التي تعرضت لها بعد تصدر أغنيتها بصباصة تريند محركات البحث على جوجل، قالت: في موضوع بيطرح إن هو ده خلاص الفن اللي بينتشر اليومين دول، أنا عايزة أتناقش في النقطة دي لأني أنا أكتر واحدة بتنتقد كل حاجة وفاهمة وجهت النظر، بس هو بيبقي إحساس وهدف.
وتابعت نورين أبو سعدة حديثها: لو أنا عايزة أغلّس على حد هيكون بالطريقة دي، علشان كدة هي اشتغلت الأغنية والهدف منها كان للفرفشة وتخلي الواحد عايز يتحرك أو يغيظ بالإحساس ده.
كلمات أغنية بقولك إيه
وجاءت كلمات أغنية بقولك إيه الشهيرة بـ اسم بصباصة: بقولك إيه كبرتي الموضوع ليه، مش محتاجة أنا شايفه إنك لازم تعملي كدة كام حاجة، عايزة اهتمام يا حرام، ده إحنا شايفينك محتاسة وكفاية كلام، العيد ميلاد جيتي وأنتِ أصلًا ملكيش عازة، فاظبطي نفسك أنا عارفة إنك أصلا بصباصة، بتبصي كدة ليه نفسنتي مني ليه، ما كفاياكي حوارات حرام عليكي.
