صباح الخير يا عرب.. رنا سماحة تُعلن تقديمها برنامجا جديدا عبر شاشة قناة MBC
أعلنت الفنانة رنا سماحة، تقديمها برنامجا جديدًا على قناة MBC بعنوان صباح الخير يا عرب، مؤكدة أنها ستقدم عددا من المقابلات المميزة مع جميع نجوم مصر، متمنية أن ينال إعجاب جمهورها.
وشاركت رنا سماحة صورة من كواليس تصوير برنامجها الجديد صباح الخير يا عرب، عبر حسابها الشخصي بموقع إنستجرام، وعلقت عليها قائلة: عايزة أقول أني سعيدة ومبسوطة جدًا بالخطوة دي.
وأضافت رنا سماحة: إن شاء الله بوعدكم إني أكون عند ثقتكم فيا وتشوفوا لقاءات بشكل جديد مع كل النجوم في مصر، وأقدر أقولكم دلوقتي رسميًا مذيعة في MBC مصر برنامج صباح الخير يا عرب.
رنا سماحة: تعرضت للظلم في شغلي واتقهرت لما قلبي كان هيقف
وكشفت رنا سماحة مؤخرًا تعرضها لظلم شديد في فترة ما، مما كان يصيبها بيأس وقهر من شدة الظلم الذي لحق بها، لكن بعد ذلك عوضها الله عن كل ما مرت به.
وكتبت رنا سماحة منشورًا، عبر حسابها الشخصي بموقع التواصل الاجتماعي فيس بوك، قالت فيه: جت عليا فترة أتعرضت لظلم في شغلي، واتقهرت أوي واتوجعت لدرجة أني كنت بحس أن قلبي هيقف، واكتشفت أن الظلم ده أوحش إحساس ممكن يعيشه الإنسان.
رنا سماحة: دلوقتي أنا بعيش عوض ربنا وجبره الكبير لخاطري
وتابعت رنا سماحة: كنت بقعد اسأل ربنا هو أنا عملت إيه يا رب، ليه زعلان مني، ومكنتش عارفة أن ربنا شايلي خير كبير، وأحسن مليون مرة من حتى اللي بتمناه، مكنتش عارفة أنه مش زعل بالعكس ده خير كبير، دلوقتي أنا بعيش عوض ربنا وجبره الكبير لخاطري، وأنا مش مصدقة وبقوله كتير عليا يا رب الكرم ده.
استكملت رنا سماحة: اللهم لك الحمد حتى ترضى، وإذا رضيت وبعد الرضا، وأما بنعمة ربك فحدث.. اوعوا تيأسوا أبدًا وتقولوا خلاص قفلت كده، متعرفوش قدام الباب اللي بيتقفل كام باب أوسع بيتفتح.
