المتهم بقتل خطيبته بسنت بأسيوط: كنت رايح أجيب شبكتي وضربتها بالسكينة قبل ما تموتني| خاص
واقعة مأساوية شهدها مركز أبنوب بأسيوط، إذ أقدم شاب يدعى عبد الرحمن على إنهاء حياة خطيبته السابقة بسنت البالغة من العمر 17 عامًا، لتلقى مصرعها على يد خطيبها السابق، وذلك بسبب انفصالها عنه ورفضها الرجوع إليه بعد خطبة استمرت لمدة 9 أشهر، فأقدم على طعنها 10 طعنات بالسكين، ثم ألقى نفسه من أعلى الطابق الخامس.
اعترافات المتهم بقتل خطيبته بأسيوط
وينشر القاهرة 24 التحقيقات في قضية مقتل بسنت على يد خطيبها السابق، وذلك لاتهامه بقتل المجني عليها بسنت عبد النبي معتمدا على مع سبق الإصرار والترصد، بأن بيت النية وعقدت العزم على قتلها وما أن ظفر بها بالمكان والزمان الذي أيقن سلفا وجودها به، سدد لها عدة طعنات باستخدام سلاح أبيض.
وقال المتهم بقتل خطيبته السابقة بسنت بأسيوط: اللي حصل إن أنا كنت رايح عند بيت بسنت عبد النبي علشان أطالبهم بحقي في الشبكة بتاعتي دبلة وخاتم وحاجات تانية، ورحت أطالبهم بالحاجات وكنت واقف برة باب الشقة عندهم ولقيت أم بسنت بتشتم فيا وأنا جيت نازل على السلم فقابلت واحد معرفش اسمه كان معاه سكينة وطالع بالسكينة لفوق وبسنت كانت طالعة وراه وراح الشخص ده شوح بالسكينة اللي كانت معاه رحت أنا ضاربه برجلي راح وقع على السلم.
وأضاف المتهم قاتل خطيبته السابقة بأسيوط: بسنت راحت ميلت على السكين رحت أنا مسكت إيد بسنت ولويت إديها ورحت ضربتها بالسكين عشان كانوا هيضربوني بيها وأنا ضربت بسنت في بطنها وضهرها بس مكانش قصدي أموتها، وبعد كده هي وقعت وأمها كانت نازلة كان معاها إيد الهون وراحت ضربتني بيها على راسي ووقعتني من على السلم ووقعت وبعدها أغمي عليا ومحستش بحاجة وهو ده كل اللي حصل.
