فجر السعيد تنتقد شيماء سيف بعد إجراء عملية تكميم المعدة: دمها بقى تقيل
انتقدت الإعلامية الكويتية فجر السعيد، الفنانة شيماء سيف، بعدما أجرت عملية تكميم معدة لإنقاص وزنها، موضحة أن شيماء سيف بالنسبة لها فقدت حسها الفكاهي.
ونشرت فجر السعيد صورة شيماء سيف، من حوارها مع الإعلامية ياسمين عز، بـ برنامج كلام الناس، وعلقت: شيماء سيف ضعفت ودمها صار ثقيل.. كانت تقتلني ضحك والآن تكسر خاطري، حسافة عليها خسرنا نجمة كوميديا.
تفاصيل خضوع شيماء سيف لـ عملية تكميم معدة
وكشفت الفنانة شيماء سيف، مساء أمس، خلال حوارها في برنامج كلام الناس، تفاصيل خضوعها لعملية تكميم المعدة، قائلة: عملت تكميم معدة، وأنا صاحبة مقولة ليه أعمل رجيم وأنا قدامي شوكولاتة، وأنا كنت بقول إلا صحتي والسنة اللي فاتت رجلي بدون سابق إنذار وركبتي مش قادرة أتنيها، ولما بطلع السلم بصرخ وبحس بوجع فظيع، وكلمت دكتور وقالي لازم تعملي أشعة وقالي لازم نعمل تغيير مفصل حالًا، وهنا حسيت أني واحدة تانية.
وأضافت شيماء سيف: أنا بكره المستشفيات وانهارت وجالي اكتئاب، والفنانة يسرا قالتلي أنتي فيكي حاجة، ووقفت التصوير وحكيت لها، وقالتلي نروح لدكتور تاني وفعلا طمني وقالي مش محتاجة عملية ولكن إنتي شيلتي ركبتك حمل واحدة مشيت 80 سنة، وخدت القرار بتاع التكميم شكة دبوس، ومي كساب كانت بتزن عليان علشان أعملها وصلت لمرحلة لما بشوف حد بياكل بقيت قرفانة منه.
واختتمت: نزلت 50 كيلو، وراضية جدًا عن شكلي دلوقتي وعايزة أوقف كده، ومبسوطة أني بقيت أركع وأنا بصلي، الأول كنت بصلي على كرسي زي الناس الكبيرة، وربنا يديم علينا الصحة.
