مصطفى كامل: قطعت إيد اللي بيحاول يقتل أبنائنا بلفظ.. ومش هسمح لحد من برا ييجي يعمل كده
تحدث الفنان مصطفى كامل، نقيب المهن الموسيقية، عن وقف بعض الفنانين اللبنانيين أو غير المصريين بصفة عامة، ومنعهم من الغناء في مصر، مؤكدًا أنه يجب احترام عادات وتقاليد الشعب المصري واختيار الألفاظ بعناية.
وقال مصطفى كامل، بمؤتمر تكريم نقيب المهن الموسيقية اللبنانية، في مقر النقابة بمصر: يا مرحب في مصر بكل فنان لبناني عربي ينورني على أرض مصر، وده لا يسيء لعاداتي وتقاليدي، لما أكون أنا ضغطت على أبناء مصر من أجل الحفاظ على العادات والتقاليد والتربية وعدم الإسفاف، أكيد مش هسمح لحد من برا ييجي يسف في بلدي ده كلام قاطع وملزم.
وأضاف مصطفى كامل: لما أكون أنا مسكت ابني اللي بيحمل البطاقة المصرية هنا وقطعت إيد كل من حاول قتل أبنائنا بلفظ أو بتصرف سيئ، أكيد اللي من برا مرفوض دخوله من مطار القاهرة أساسًا بالنسبة لي كنقيب الموسيقيين، يا مرحب بكل من يلتزم بعاداتنا وتقاليدنا وآداب الفن العربي، لما النهاردة يدخل عندي فنان سواء ذكر أو أنثى ويتصرف تصرف سيئ بيتقال ده لبناني أو لبنانية، وده من المفترض أن نقابة لبنان تحزن على الوضع زي ما أنا حزنت على الوضع.
واستكمل: أنا غيرت على بلدي وشكلها برا لما واحد يطلع برا يقول أمك صاحبتي يلا، وإحنا كان عندنا الست اللي بتقول بعيد عنك حياتي عذاب، ده يبقى نجم يمثل مصر في لبنان أنا مرضهاش لينا أبدًا.
