إلغاء جميع الطعون المطالبة ببطلان انتخابات نادي الزمالك
قرت المحكمة الإدارية العليا، اليوم الاثنين، إلغاء جميع الطعون التي تطالب ببطلان انتخابات مجلس إدارة نادي الزمالك الحالي، والتي أجريت بتاريخ 20 أكتوبر 2023، بعد إحالة الطعن إلى الدائرة المختصة، كما تم قبول طعون حسام المندوه على أحكام بطلان فوزه في الانتخابات ورفض الدعوى الأصلية.
طعن بطلان انتخابات نادي الزمالك
وقال مرتضى منصور، في بث مباشر عبر القاهرة 24، بعد انتهاء الجلسة الماضية: انتخابات نادي الزمالك كانت كلها بلطجة وتزوير وإجراءاتها باطلة.. وحسام المندوه كان صادر ضده حكم باستبعاده من الانتخابات، ورغم كدة كان موجود في القائمة.
وواصل: أنا اتبرعت بـ200 مليون جنيه لـ نادي الزمالك وكل ده مثبت في المستندات وقدمتها للمحكمة، وأنا اللي عامل عقد الأرض بتاعة النادي في 6 أكتوبر، ودفعت فلوسه في 2003.
وأضاف مرتضى منصور: هدموا حمامات السباحة في نادي الزمالك، ولما مشيت من النادي كنت سايب ملايين فيه.. وكانوا عايزين مني أتابع قضية خالد بو طيب بعد ما سيبت النادي، طب هو أنا فاضي ليهم.
واستكمل: الأهلي خد من الزمالك 16 بطولة في شهرين في كل الألعاب من بعد ما سيبت النادي، والزمالك هينزل درجة تانية لو فضل على المنظر ده والمجلس الحالي استمر، وحسين لبيب طلع في التليفزيون يشوه فيا.
