قلبنا موجوع على فلسطين.. إلهام شاهين: لو اللي بيحارب عن بلده إرهابي فأنا إرهابية | بث مباشر

نظمت الجمعية المصرية لكتاب ونقاد السينما، مساء اليوم الإثنين 27 مايو 2024، احتفالية بمناسبة عيدها الذهبي، وذلك بحضور عدد من نجوم الفن أبرزهم الفنانة إلهام شاهين، والفنانة سميحة أيوب، والفنان كريم كوجاك، والفنانة مي نور الشريف والفنانة لبلبة.

احتفالية الجمعية المصرية لكتاب ونقاد السينما بعيدها الذهبي 

وقالت الفنانة إلهام شاهين خلال تكريمها في احتفالية الجمعية المصرية لكتاب ونقاد السينما، إنها لا تستطيع أن تشعر بالسعادة اليوم بسبب ما يحدث في فلسطين.

وتابعت: النهاردة المفروض أكون مبسوطة أوي بهذا التكريم.. بس النهاردة أنا فرحتي ناقصة أو مش عارفة أفرح.. أنا تقريبًا امبارح منمتش وفتحت التليفزيون وبدأت أشوف الأخبار مصدقتش اللي بيحصل في فلسطين.. قلبنا موجوع جدًا وعاوزين نقولهم إننا بنحضر مناسبات ومهرجانات لأن الحياة لازم تستمر.. ولكن إحنا جوانا ألم كبير جدًا على اللي بيحصل في فلسطين.

وأضافت إلهام شاهين: الناس كانوا نايمين في خيمة على الأرض بيوتها اتهدت وتتفجر وتتحرق.. ونشوف مناظر ونسمع صراخ يعصر القلب عصر.. الحقيقة إن الشيء ده زاد عن حده رغم إن كل المجتمع الدولي مع فلسطين.. وإسرائيل بتقول إنها بتحارب الإرهاب.. طب أي إرهاب هو اللي بيدافع عن أرضه يبقى إرهابي؟ لو حد قرب من مصر أنا أول واحدة هنزل أحارب عن مصر.. لو كل واحد بيحارب عن بلده اسمه إرهابي أنا بعلن انهاردة إني هكون إرهابية.