بعد تعدي 8 أشخاص عليه.. صاحب محل بالغربية يستغيث: قطعوا كف إيدي عشان قولتلهم سيبوني آكل عيش| بث مباشر

شهدت مدينة المحلة الكبرى التابعة إلى محافظة الغربية، واقعة مأساوية ومفجعة، بعدما تعرض صاحب محل لواقعة تعدي وضرب بطريقة وحشية على يد 8 أشخاص، ما أدى إلى تعرضه لإصابات بالغة وخطيرة في مختلف أنحاء جسده.

تفاصيل واقعة التعدي على صاحب محل في المحلة

وقال المجني عليه، إنه توجه إلى المحل الخاص به لمباشرة عمله نظرًا لغياب العمال، وفور وصوله إلى هناك وجد مجموعة من الأشخاص متجمعين أمام باب المحل، وعندما طلب منهم أن يغادروا رفضوا ذلك.

وواصل: لقيت ناس واقفين قدام المحل بتاعي ولما طلبت منهم يمشوا رفضوا.. وبعدين طلع واحد منهم قالهم أهو جالكم اعملوا فيه اللي أنتوا عاوزينه وخلصوا عليه.. وبعدها مشوفتش أي حاجة كان فيه حوالي 8 أفراد فيهم ستات ورجالة بيضربوا فيا.

واستكمل المجني عليه، بأن الأشخاص الذين تعدوا عليه هم مجموعة من الباعة الجائلين، إذ طالبوه بإعطائهم 200 ألف جنيه، وإذا رفض سيمنعوه من فتح المحل الخاص به.

وأردف: مكنش فيه أي خلافات سابقة بيني وبينهم ده أنا كنت بساعد الناس كلها الغريب قبل القريب.. وأنا مش عاوز حاجة غير حقي اللي مش هسيبه لآخر نفس فيا.. لأني راجل صاحب حق وكنت بأكل عيش بالحلال.

وأوضح المجني عليه أن الأشخاص الذين تعدوا عليه بالضرب خططوا لذلك وكانوا ينتظرونه عن قصد أمام باب المحل الخاص به، حتى يتعدوا عليه، مختتمًا: موتوني من الضرب وقطعوا كف إيدي الشمال.. وقطعوا أوتار إيدي اليمين والشمال وخدت 20 غرزة في وشي من برا غير الغرز اللي جوا.. وكل ده عشان قولتلهم سيبوني آكل عيش.