بيتعلقوا في الشباك من برا والشغل 10 ساعات.. شركة عاملات نظافة تُغضب مواقع التواصل بسبب تعريضهن للخطر
أثارت فيديوهات دعاية لإحدى شركات التنظيف، عبر تشغيل فتيات، تنديدا واسعا بمواقع التواصل، بسبب تعريض حياتهن للخطر.
وتظهر في الفيديوهات المنتشرة، فتيات ينظفن الشقق السكنية والمكاتب، بطريقة لاقت هجوما شديدا.
وفي أحد مقاطع الفيديو، ظهرت فتاة تنظف الشباك وهي متشبثة به من الخارج، وتعلق الستائر بشكل يعرض حياتها للخطر.
متعلقة في الشباك من برا وعمل 10 ساعات
وتداول رواد مواقع التواصل الاجتماعي، فيديوهات وصور تابعة للشركة مع هجوم كبير عليها، كما تبين استخدامها بلوجرز شهيرات للدعاية لها، لتتصدر تلك الفيديوهات تريند فيسبوك.
وقالت إحدى مستخدمات السوشيال ميديا على فيسبوك: في بلوجر بتعمل دعاية لشركة جايبة لها ستات تساعدها في تنظيف البيت، ودا جزء من الفيديو والناس بتسأل فين الرقم بتاعهم!..هو دا طبيعي؟
وتابعت: يعني طبيعي توقفيها برا الشباك علشان تنضف لحضرتك الازاز، طبيعي تنام فوق الدولاب علشان تمسحلك التراب بهدومها، أنتي نفسك بتعملي دا لما بتنضفي؟، ليه بتتعاملوا مع الناس اللي بتنضف البيت إنهم مجرد شــئ ليه تدوهم مهام تضيع صحتهم بالمعنى الحرفي عشان مستكترين الفلوس اللي هياخدوها في مجرد تنضيف.
وواصلت: مفيــش إنسان طبيعي يخلي الست اللي بتساعده تنضف البيت 10 ساعات متواصلة ويتفاخر ب دا، المهنة دي في دول تانيه بيبقى ليها شروط وتأمين على صحتهم وحياتهم وعدد ساعات ومهام محددة هما مش حْدامين ولا عـبيد ليكم، كفاية مرض وإحداث نعمة بجد.
وتفاعل عدد كبير من رواد السوشيال ميديا مع البوست، معربين عن استيائهم من الفيديوهات ومن استغلال الشركة.
