براءة أرملة الفنان وائل نور من اتهام طليقته الفنانة أميرة العايدي وأبنائها لها بالسرقة

قضت جنح الدخيلة بالإسكندرية ببراءة غادة النجار أرملة الفنان الراحل وائل نور من اتهام طليقته الفنانة أميرة العايدي وأبنائها لـ أرملة الراحل بسرقة منقولات شقة سكنية مملوكة له بالإسكندرية.

براءة أرملة الفنان وائل نور من اتهام طليقته الفنانة أميرة العايدي وأبنائها لها بالسرقة 

وقالت الفنانة أميرة العايدي في التحقيقات أمام جهات التحقيق بالقضية رقم 13885 جنح الدخيلة أنه أثناء زيارتها لشقة طليقها الفنان الراحل وائل نور رفقة نجلها يوسف وائل نور فوجئت بسرقة منقولات الشقة ووجود تكسير بمنافذها.

وتابعت الفنانة أميرة العايدي قائلة: التي حصل أن أنا طليقي الفنان وائل نور الله يرحمه متوفي في 2016 ومن ساعتها وابني يوسف بيروح عشان يتابع شقق بتاعت والده وساعات أنا بروح معاه وساعات كان بياخد أخته سارة.

وأكملت الفنانة: في يوم 10/ 5/ 2023 روحت أنا وهو لشقق بتاعت طليقي الله يرحمه اللي في العجمي في البيطاش علشان نطمن علي الحاجة ولما طلعنا لقينا الحاجة التي في الشقة كلها مش موجوده وكل حاجة مخلوعة من مكانها وفي تكسير في الشبابيك والسباكة ومكان التكيفات.

نجل وائل نور عن مشاركته في بنقدر ظروفك: كان نفسي والدي يشوفني وأنا بمثل

نجل وائل نور: مش مستوعب فكرة وفاة والدي لحد دلوقتي

وأضافت أميرة العايدي بالتحقيقات: بعدين يوسف نزل سأل الحارس فقاله في ناس جت بعربية أخدوا كل الحاجات ولما سأله مين دول قاله أن واحد من الناس دي خلاه يكلم حد في التليفون ولما كلمها عرف أنها غادة محمد أحمد أبو نوح زوجة والد يوسف وقالت للحارس سببهم ينزلوا كل الحاجة فالحارس قاله أنه سابهم يعملوا اللي هم عيزينوا، وعشان الحارس يكون بعيد عن اللي بيحصل ده صور كل اللي حصل.

من جانبها أنكرت أرملة الفنان الراحل وائل نور كل ما جاء من اتهامات الفنانة أميرة العايدي وأبنائها لها، وتم إحالة القضية للمحاكمة أمام جنح الدخيلة بالإسكندرية، التي قضت بالبراءة.