التيك توكر أم خالد ترد على مشاركتها في إعلان كوفي ميكس: كان يوم إسود وماكنتش أعرف إنه مقاطعة
نشرت التيك توكر الشهيرة أم خالد، فيديو جديدا عبر موقع التواصل الاجتماعي، ترد من خلاله على الانتقادات التي وجهت لها خلال الأيام الماضية، بسبب مشاركتها في إعلان كوفي ميكس.
أم خالد ترد على منتقدي إعلان كوفي ميكس
وقالت أم خالد، في فيديو لها عبر حسابها بموقع تيك توك، ننهي جدل كوفي ميكس، أول ما بدأت أعمل الإعلان سألت القائمين عليه هل هو مقاطعة، وقالوا لي لأه مش مقاطعة، وخدت كلامهم ثقة وعملت الإعلان، لحد ما لقيت قريبتي كلمتني من 4 أسابيع، وقالتلي في أبلكيشن عرفت من خلاله إن كوفي ميكس مقاطعة.
وأضافت أم خالد، أنا لما عرفت إنه مقاطعة مبقتش أشربه، مش عيب إن أنا أغلط، العيب إن أنا أستمر في الغلط، وفعلًا أول ما عرفت بطلت أشربه، وبالنسبة للكلام اللي طالع عليا إن أنا قولت إني مش هقاطع، مش كل واحدة ولا واحد قاعد فاضي يقول أم خالد قالت ويكتب على صورتي الكلام اللي هو عايزة، وفي دماغه يكرّه الناس فيا، أنا مقولتش كدا، ومفيش أي فيديو ليا صوت وصورة قولت فيه كدا.
وأضافت أم خالد، هاتولي فيديو قولت فيه كدا وبعدين صدقوا، الناس حافظة مش فاهمة، أنا أكتر واحدة مبعرفش أصنع الكلام ولا يشغلني التريند.. الناس بتموت.. كان يوم إسود يوم ما عملت الإعلان عشان اتضحك عليا فيه وقالوا لي مش مقاطعة وهو مقاطعة، أنا لا محتاجة مشاهدات ولا تريند ولا بخاف من الناس ولا يشغلني الكلام دا، ولما عرفت إنه مقاطعة قاطعته.. أنا على الله حكايتي ومفيش حاجة أخاف منها، واللي عايز يصدق على عيني وراسي، واللي مش عايز يصدق ميصدقش.
