سيدة تستغيث من كلاب جارتها الشرسة: خايفين واقعة كلب المذيعة أميرة شنب تتكرر تاني | صور
حوادث
صورة للكلاب المفترسة
استغاثت سيدة تدعى ندى، مقيمة في ميدان الحجاز بمنطقة مصر الجديدة، لتضررها من جارتها بسبب تربيتها كلابا شرسة في جنينة العمارة ما يسبب حالة من الخوف والرعب للأطفال وقاطني العمارة.
سيدة تستغيث من كلاب جارتها الشرسة
وقالت ندا لـ القاهرة 24: أنا ندى ساكنة في ميدان الحجاز مصر الجديدة للأسف جارتنا بتربي كلاب من النوع الشرس جدا، وطول الوقت بنتهدد بالكلاب، عملنلها أكتر من محضر إزعاج.
واستكملت: هي عاملة مزرعة في بيتها عندها أكتر من 5 كلاب شرسة، وبتبيع الكلاب، وده غير صوت الكلاب 24 ساعة وفضلاتهم، مضيفة: المشكلة إنها مش حاطة الكلاب جوا بيتها دي حطاها في جنينة العمارة، وعاملة حالة من الخوف والرعب لأطفال العمارة.
واختتمت: من كام يوم حصلت خناقة بين كلابها وكلب تاني في الشارع والأولاد كانوا خايفين واحنا خايفين واقعة كلب المذيعة أميرة أبو شنب تتكرر تاني.
