عدوية شعبان عبد الرحيم يهاجم رضا البحراوي: بطل تسرق الأغاني بتاعتي.. وهاقفلك حتى لو مش هشتغل
هاجم عدوية نجل الفنان الراحل شعبان عبد الرحيم، الفنان رضا البحراوي، بعد غنائه أغنيته الأخيرة صغير أنا، مشيرًا إلى أنه يستغل أغنيته ويقدمها في الحفلات، ويرفض غنائهما سويا.
وكتب عدوية شعبان عبد الرحيم منشورًا عبر حسابه الشخصي بموقع فيسبوك، جاء فيه: أنت برده مش ساكت وبتغني الأغنية، استناني أنا فضيلك، طول ما أنت بتغني الأغنية.
وأضاف عدوية عبد الرحيم: أنا مش راضي وهاقفلك لو هبطل أشتغل طول عمري، لأن حقي مش هيضيع زي باقي الناس اللي أنت بتسرقها أنا لا.
أزمة نجل شعبان عبد الرحيم ورضا البحراوي
وسبق، كشف عدوية نجل الفنان الراحل شعبان عبد الرحيم، تفاصيل خلافه مع رضا البحراوي.
ونشر مقطع فيديو عبر حسابه الشخصي بمواقع التواصل الاجتماعي أعرب من خلاله عن استيائه من غناء رضا البحراوي أغنيته، قائلًا: عايز أقول لكل الناس إن أغنية صغير أنا، اللي رضا البحراوي بيقدمها بقاله 5 أيام، دي بتاعتي ومن ألحاني، وكلمات إسلام خليل.
عدوية نجل شعبان عبد الرحيم: أغنية صغير أنا موجودة بصوتي على اليوتيوب
وأضاف عدوية شعبان عبد الرحيم: رضا البحراوي اتصل بيا واستأذني وقالي عايز أغني الأغنية دي في الأفراح وافقت، ولما لقيته كل يوم بيغنيها مش بيعمل حاجة في حياته غير يغني الأغنية بتاعتي ويستغلها، فطلبت منه ييجي نسجلها مع بعض لكن رفض، وقالي الأغنية دي اتهرست وهو اللي هرسها، وهي بتاعة أبويا بقالها 20 سنة، ولكن أنا زودت عليها حاجة، وموجودة بصوتي على اليوتيوب.
