أمين الفتوى يحذر الفتيات من هذا التصرف يوم الفرح: بيحولهن لكائنات غريبة
قال الدكتور عمرو الورداني، أمين الفتوى بدار الإفتاء المصرية، إن هناك ثلاثة أبعاد تُصبح بها المرأة في عين زوجها كاملة.
وأوضح أمين الفتوى بدار الإفتاء المصرية، خلال تصريحات تليفزيونية اليوم الخميس: الزواج فيه تزكية، يعنى يرضى بها على حالها، فالزوجة هي بوابة على الله، لازم تعبدوا الله فى بعض، متابعا: لازم كل زوج وزوجة، يراجع الصورة الذهنية عن الزواج، وده تلاقى البنات يوم الفرح بتتحول لكائن آخر بسبب المكياج، هي كل اللى عاوزاه إنه يكون راضي عنها ويشوفها جميلة، بس هي الصورة دى هتستمرى فيها مشكلة.
وتابع: في مجتمعاتنا في صيادين وصيادات، وأكثر اللي بيبحثوا عنه اللي عندهم فقد في الحنية أو الراحة أو الرضا، تلاقى واحد عامل فيها حكيم يقعد يكلمها برقة، طيب مش بيقول الكلام ده لمراته ليه.
زوجى متزوجني علشان حقوقه الشرعية فقط
أجاب الدكتور عمرو الورداني، أمين الفتوى بدار الإفتاء المصرية، على سؤال متصلة حول: متزوجة من 8 سنين، واكتشفت إنه بيشرب مخدرات ومش بيصلى، وبيقولى أنا متزوجك علشان حقوقي والمتعة؟، قائلا: هو شخص يأس إنه يجد العواطف والمحبة من أحد، هي لازم تعمل على إنها تقف جنبه وتسانده، وبلاش تحسسه إن اللي بيعمله ده مسبب نقص في البيت.
وأضاف: هو قال إنه متزوج علشان حقوقه الشرعية علشان هو ده اللي فاهمه، لازم تدرس شخصية زوجها لأنه واضح عنده اكتئاب وحاسس انه ملوش حظ.
