زوج بلوجر حلوان في التحقيقات: اكتشفت خيانتها عن طريق فلاشة فيها فيديوهات لها في أوضاع مخلة
كشفت التحقيقات في القضية رقم 46352 لسنة 2023 والمقيدة برقم 6200 لسنة 2023 اداري حلوان، أن أحد الأشخاص اتهم زوجته بلوجر ومن ضمن إحدى السيدات الشهيرات على مواقع التواصل الاجتماعي، وتقدم محتوى عبر منصات السوشيال ميديا، تهمة الزنا، بعدما تفاجأ بأحد الأشخاص، يرسل له عبر تطبيق الواتساب، عدة مقاطع فيديو وصور وتسجيلات، لزوجته مع أحد الأشخاص، فتأكد من خيانتها له، فتقدم زوجها ببلاغ ضدها لدى النيابة، يحتوي على فلاشة بها مقاطع مخلة بالآداب وتسجيلات صوتية، ومكالمات جنسية لها مع أحد الأشخاص.
تحقيقات بلوجر حلوان
وجاءت أقوال الزوج أمام جهات التحقيق كالآتي: اللى حصل اني في يوم وانا راجع بيتي فوجئت بوجود فلاشة ملزوقة على باب الشقة في ظرف وأنا ومراتى مكناش في البيت وبعدين أخدت الفلاشة وفي نفس اليوم روحت شغلی وبعدين شغلت الفلاشة وشاهدت المحتوى الموجود عليها بالكامل ولقيت فيها فيديوهات وصور ومكالمات لزوجتى مع شخص غريب في أوضاع مخلة.
وأضاف زوج بلوجر حلوان أمام جهات التحقيق: بعدها قمت بالاتصال بزوجتي سألتها إنتي فين قالت إن هي عند والدتها وسألتها هترجعي إمتى قالت أنا راجعة النهاردة البيت وقلت لها مفيش مشكلة نتقابل بالليل في البيت، بعدين رجعت البيت وأخذت اللاب توب بتاع الشغل والفلاشة ورجعت البيت وبعدين سألتها في حاجة أنتى مخبياها عليا قالت لا وبعدين قلت لها أنا سمعت كلام عليكي مش كويس وهي أنكرت وقالت ده حد مفروس منى علشان أنا مشهورة وناس متغاظة منى وبعدين شغلت الفلاشة أمامها.
وأضاف زوج بلوجر حلوان: وبعد ما شافت الفلاشة قالت لي إيه يعنى ما تقول إنك عارف وشفت الفلاشة ليه بتلف وتدور في الأول وقالت أنا آه إيه المشكلة، بعدين هي قالت لا أنا أول ولا آخر واحدة أعمل كده وبعدين قالت لفظ وحش وأهلی عارفین كده وبعدين سألتها الواد ابن مين قالت ملكش دعوة ولو قربت منه هلبسك مصيبة وبعدين أخدتها وروحت لأبوها وبعدين قلت لأبوها اتفرج على الفلاشة وقلت له عاوز أعرف حقيقة الواد وبعدين قالي اهدی وسیبنی یومین وبعدين نحل، بعدين مشيت وبعدين لقيت اتصالات كثيرة بتهددنی ومنهم واحد جارهم في العمارة، كلمني وطلب مني إنهاء الموضوع بشكل ودي وأنا رفضت وعملت محضر وهو ده كل اللي حصل.
وأردف زوج بلوجر حلوان: أن كتبت كتابي عليها يوم ۲۰۲۲/۳/۱۸ ودخلت عليها في ٢٠٢٢/٥/٢٦، والعلاقة الزوجية بينا كانت علاقة عادية وكانت مستقرة، لكن دلوقتي العلاقة بينا مش مستقرة، لأنها أول لما عرفت إنى عملت محضر زنا رفعت عليا قضية خلع، وأنا عرفت من على الفيس بوك، وأنا خلفت منها ابنى أحمد مختار، وهو معاها، وأنا معملتش حاجة بعد ما عرفت أنها عملت قضية خلع غير أني ماشي في إجراءات قضية الزنا علشان أنا شاكيها قبل الخلع.
وبسؤاله: هل وقفت على شخص وواضع تلك الفلاشة على باب مسكنك، قال لا معرفش مين، وبسؤاله عن علاقته بالمدعو عمرو عواد قال: أنا معرفهوش بس أنا شفته مرة واحدة كان معاها هي وأخوها في أول الزواج وكان في كافتيريا في وسط البلد وبعد كده شفت صورة معاها على الفلاشة وكمان كان في مكالمات جنسية بعلاقات كاملة بينهم وصور كتيرة فيها معاها خادشة للحياء وكان يرتدي ملابسي وهي معاه.
