نجوى فؤاد تفتح النار على الراقصات الأوكرانيات: بيلبسوا بكيني.. ولا دينا ولا تقليدنا يسمحوا بـ كده
هاجمت الفنانة نجوى فؤاد، الراقصات الأوكرانيات وغير المصريات المتواجدات حاليًا على ساحة الرقص الشرقي بمصر، معربة عن استيائها الشديد بسبب تصميم بدل الرقص الخاص بهن والتي وصفته بالمماثل لـ المايوه البكيني.
وقالت نجوى فؤاد، في تصريحات تلفزيونية: الأوكرانيات بيصرفوا على البدل بتاعتهم كويس مع أنها عارية شوية وأنا ضد ده، أنا مش راضية عن بدل الرقص الأيام دي لأنها غير محتشمة ومش حلوة، ده بكيني مش بدلة رقص، لا دينا ولا تقليدنا ولا أخلاقيتنا تسمح تبقى كده، ولو رجع بيا الزمن مش هلبس بدلة رقص، ولا هعمل إغراء.
وأعربت نجوى فؤاد، عن حبها الكبير لـ الراقصة دينا وفيفي عبده، قائلة: أنا بحب رقص دينا ولوسي، فيفي عبده لما بتطلع على المسرح بتاخدك وتشدك والكاريزما بتاعتها ليها لون ودي من عند ربنا.
نجوى فؤاد
وعلى جانب آخر، سبق أن تعرضت الفنانة نجوى فؤاد لوعكة صحية، استدعت نقلها إلى المستشفى، الأمر الذي ذعر عدد كبير من محبيها، إذ كشف مصدر لـ القاهرة 24، الحالة الصحية للفنانة، وأنها كانت تعاني من ارتفاع في ضغط الدم، وفور وصولها كان هناك طاقم طبي يتابع الحالة الصحية، ويقدم لها العلاج اللازم لتتحسن حالتها، وبعدها تم إجراء بعض الفحوصات للاطمئنان عليها.
