ياسمين عز بعد طلاق نيللي كريم: محدش بيعمر.. ولازم تبقى خبيث في حياتك الشخصية
علقت الإعلامية ياسمين عز على خبر طلاق الفنانة نيللي كريم وزوجها هشام عاشور، متمنية أن تقف الأخبار عند هذا الحد، دون التطرق إلى الأسباب.
وقالت ياسمين عز في لقائها ببرنامج كلام الناس على قناة mbc مصر: النهاردة من دقايق النجمة انتشرت أخبار عن طلاق نيللي كريم وهشام عاشور، ودايمًا وطول الوقت مش بحب أقول أخبار طلاق، ومش بحب نكون طرف فيها.
وأضافت ياسمين عز: عاوزة أقول إن حياة الفنان أو الشخصية العامة مش خاصة، والناس هتفضل تفتش وتحب تسمع أخبارك سواء اتجوزت أو اتطلقت، وأتمنى نقف عن إعلان الطلاق ومالناش دعوة بقى بأسباب الطلاق، مالناش علاقة مش موضوعنا ومش قصتنا، وربنا يقدم لهم اللي فيه الخير.
وواصلت ياسمين عز: ناس كتير بتتجوز وتطلق، ويستوقفني أن محدش بقى بيعمر ودي من المؤشرات الخطيرة في المجتمع، وكل واحدة تحافظ على جوزها لأن مؤخرًا محدش بيعمر مش عارفين ده بسبب عين ولا حسد.
ياسمين عز: لازم تبقى خبيثة في حياتك الشخصية
واستكملت: دايمًا الشخصيات العامة والمشاهير اللي بيوروا حياتهم للناس مابيعمروش، فلازم تبقى خبيث في حياتك الشخصية، عشان تعمري مع جوزك سواء شخصية عامة أو مش عامة، داري على جوزك وداري على جوزك وبيتك ومتنشريش ومتعلنيش وماتبينيش إنك سعيدة، اتخابثي يا مدام عشان العواقب مش سليمة.
ويشار إلى أنه وقع الطلاق رسميًا بين نيللي كريم هشام عاشور، اليوم الجمعة، إذ أكد مصدر مقرب من الفنانة أن الطلاق تم رسميًا وأن الطرفين لا يرديان الكشف عن الأسباب.
