بعد زواجه عليها.. هبة تقيم دعوى طلاق ضد زوجها بسوهاج: معيشني أنا وضرتي في شقة واحدة
أقامت ربة منزل تُدعى هبة.م تبلغ من العمر 39 عامًا، دعوى طلاق ضد زوجها بمحافظة سوهاج، بعد قيامه بالزواج عليه من أخرى، وإجباره على العيش مع ضرتها في نفس الشقة السكنية.
ربة منزل تقيم دعوى طلاق ضد زوجها بسوهاج
وقالت الزوجة في دعواها، إن زوجها تزوج عليها من أخرى، بغرض إنجاب الولد له، وأجبرها على العيش مع زوجته الجديدة في شقة سكنية مساحتها لا تتعدى 100 متر، الأمر الذي تسبب في حدوث مشكلات ومضايقات لها.
الزوجة: معيشني أنا وضرتي في شقة واحدة
وأضافت الزوجة لـ القاهرة24: متجوزين من 13 سنة، ومعايا منه 3 بنات، وهو كان نفسه يخلف ولد، راح اتجوز عليا واحدة تانية وغصب عليا أعيش أنا وهي في شقة واحدة مساحتها أقل من 100 متر، وكل يوم خناق ومشاكل بدون سبب، وهي بتقول شكل للبيع، وطبعا هو مصدقها، ويتخانق معايا عشانها، وكل يوم نكد، لحد ما فاض بيا، ليا سنة على الحال ده، ولما قولتله يشوفلي شقة لوحدي ولو أوضة وحمام يقولي منين. مش معايا أفتح بيتين، عاجبك تعيشي في نفس الشقة عيشي مش عاجبك برضو هاتعيشي غصب عنك، لحد ما خلاص تعبت نفسيا وبقيت مش قادرة أتحمل الخناق والإهانة ليل نهار منه .
وأمام تعنت الزوج وإصراره على موقفه من زوجته، لم تجد الزوجة حلًا أمامها سوى ترك منزل الزوجية والإقامة في منزل أسرتها ورفع دعوى طلاق ضد زوجها، للضرر الواقع عليها منه.
