ربنا افتكره عشان قلبه أبيض.. نجل سامي العدل يكشف كواليس وفاة شقيقه
تحدث المخرج خالد سامي العدل، عن كواليس وفاة شقيقه الراحل أحمد سامي العدل، مشيرًا إلى أنه أصيب بـ كورونا قبل وفاته.
وقال خالد سامي العدل خلال حواره مع القاهرة 24: خبر وفاة أحمد كان صدمة بالنسبة لي، كنا بنتكلم قبل وفاته وقالي إنه تعبان وكان فاكر إنها حاجة بسيطة، قولتله هتبقى كويس ومفيش حاجة، ولما راح المستشفى لقينا الموضوع أكبر من شوية تعب وطلع عنده كورونا.
وأضاف خالد سامي العدل: أحمد كان أطيب مني والحياة بتيجي عند حتة معينة بتاخد البني آدم في الوقت الصح وربنا افتكره عشان قلبه أبيض.
خالد سامي العدل
وسبق وتحدث خالد سامي العدل عن دخوله مجال الفن، ورأي والده الراحل سامي العدل فيه، حيث قال بحواره مع القاهرة 24: والدي رفض دخولي الوسط الفني لأنه مجال متعب وهو عارف ده، وأنا مش شغال بواسطة عيلتي العدل جروب، لأني لو مش موهوب مش هيشغلوني، وأبويا بالنسبالي كان أعظم حد في الدنيا وأعظم ممثل، وعلى المستوى الإنساني كان بيعمل خير كتير مع الناس، كله بيقول دايما قد إيه كان جدع.
وفاة أحمد سامي العدل
يذكر إنه توفي أحمد سامي العدل في عام 2023، وأعلنت حينها شقيقته رشا، خبر وفاته، عبر حسابها على موقع فيسبوك، وعلقت: إنا لله وإنا إليه راجعون توفي إلى رحمة الله المغفور له بإذن الله أخويا وروحي أحمد سامي العدل.
