شيكات بـ200 ألف وعفش بنتهم العروسة ضاع.. أسرة تستغيث بعد احتراق منزلها بالأقصر: بقينا في الشارع
استغاثت أسرة من محافظة الأقصر، مكونة من أم وأب وابنتهما، تعيش بنجع النمارات بالنمسا التابعة لمركز إسنا جنوب محافظة الأقصر، جراء معاناتها من مأساة حقيقية بعدما شبت النيران بمنزلها المكون من طابقين، ملتهمة محتويات المنزل بالكامل، بما فيه من عفش ابنتها العروسة التي يعدونها للزواج ولم تهنأ به، وحتى الملابس احترقت بالكامل.
حريق يلتهم عفش عروسة بالكامل ويلتهم دواجن وطيور وحيوانات بالمنزل في الأقصر
وقالت سلوى أحمد، ربة المنزل لـ القاهرة 24: حصل ماس كهربائي والنار ولعت في البيت مرة واحدة وامتدت النيران لسطح المنزل لتلتهم ما به من دواجن وطيور.
وأضافت سلوى: عفش البيت كله راح وكمان جهاز بنتي، الغسالة والثلاجة والهدوم اللي كنت جايباها لجهازها كعروسة وهي على وش جواز، كله اتحرق بالكامل ومبقاش فيه حاجة حتى تصلح.
وواصلت سلوى: المصيبة كمان إن النيران امتدت لحوش البهائم الخاص بالجيران الملاصق لمنزلنا مما أدت إلى نفوق 4 بقرات كانت بالحوش وهي مصدر دخل لينا.
شيكات بـ200 ألف جنيه وإحنا غلابة
وأضافت سلوى: اضطر زوجي يمضى لجارنا على شيكات بـ200 ألف جنيه كتعويض عن خسائره كما قدرها الجار، وإحنا ناس غلابة على قد حالنا هنسدد منين، وحتى السكن والبيت والعفش كله اتحرق وبقينا في الشارع ومحليتناش غير الهدوم اللي علينا ومحتاجين حد يغيثنا وينقذنا، مش عارفين نروح فين.
