مصرع بائع ملابس على يد ابن خالته بالمنوفية.. وشقيقه: موته عشان بيبيع رخيص وزباينه كتير| بث مباشر
شهدت مدينة شبين الكوم التابعة لـ محافظة المنوفية، واقعة مأساوية، حيث لقي بائع ملابس يدعى ناصر عبد الفتاح، البالغ من العمر 50 عامًا، مصرعه على يد 4 أشخاص لأنه كان يبيع قطع الملابس بأسعار رخيصة عن باقي البائعين الأخرين من حوله.
مقتل بائع ملابس في المنوفية
وقال شقيق المجني عليه إن المتهم الرئيسي الذي أنهى حياة شقيقه هو نجل خالتهم، والذي استعان بعدد من أقاربه في هذه الجريمة، حيث نشبت مشاجرة بينهم وبين شقيقه وتربصوا له حتى يتخلصوا منه.
وتابع: أخويا واقف على عربية في الشارع وبيبيع ملابس أطفال وأسعاره رخيصة.. وابن خالتي وقرايبه اتكلموا معاه أكتر من مرة عشان أسعاره قليلة وهو قالهم أنه حر وكل واحد يبيع بالسعر اللي عاوزه براحته.
وأضاف شقيق المجني عليه أن المتهمين تجار ملابس أيضًا، لذلك تشاجروا معه لأنه يبيع الملابس بأسعار أقل منهم، معلقًا: اتخانقوا مع أخويا وموتوه عشان بيبيع بسعر أقل منهم وهما عاوزين يكسبوا فلوس.
وأوضح أن الأجهزة الأمنية في محافظة المنوفية، تمكنت من إلقاء القبض على نجل خالته والمتهمين بإنهاء حياة شقيقه.
واختتم شقيق المجني عليه: أخويا عنده 3 عيال وكان بيكافح على لقمة عيشه بالحلال عشان يأكلهم.. ورغم كده ظروفه المادية مكانتش أحسن حاجة وفي الآخر موتوه لما لقوا إن زباينه كتير وبيبع أكتر منهم.
