محاولات لـ الصلح بين نور التوت وحمو بيكا بعد اتهام الأخير له بسرقة 200 ألف دولار
كشف وليد البنا، محامي مؤدي المهرجانات الشعبية حمو بيكا، تفاصيل محاولات مؤدي المهرجانات نور التوت، بالصلح الودي مع حمو بيكا، بعد أزمتهما الأخيرة واتهام حمو لـ نور بسرقة 200 ألف دولار حصيلة أغانيهما على يوتيوب.
وقال محامي حمو بيكا في تصريح خاص لـ القاهرة 24: نور التوت بيبعت ناس كتير تحاول تحل الموضوع ودي مع حمو بيكا، والمحضر اللي حررناه ضده وصل للنيابة وننتظر القرارات.
تفاصيل أزمة حمو بيكا ونور التوت
وسبق وأن كشف محامي حمو بيكا، لـ القاهرة 24، تفاصيل أزمة حمو بيكا ونور التوت، موضحًا أن بداية الأزمة عندما نشر نور التوت، مقطع فيديو عبر حسابه الشخصي بموقع التواصل الاجتماعي فيسبوك، يزعم فيه أخذ حمو بيكا مبلغ 200 ألف دولار من قناة اليوتيوب، قائلًا: حمو بيكا فوجئ بـ نور التوت نزل فيديوهات على صفحته بفيسبوك، بيقول أن حمو بيكا سرقه في 200 ألف دولار، طبعًا سرقة هو بيقول إن حمو خدهم من قناة مزيكا بسبب الأغاني، والكلام ده طبعًا مالوش أي أساس من الصحة.
وتابع محامي حمو بيكا: وروحنا بالليل قسم العجوزة وعملنا محضر بالواقعة إنه سب وقذف وتشهير بغرض الابتزاز، نور حذف الفيديوهات ولكن تم إرفاقها في فلاشة مع البلاغ.
نور التوت: حمو بيكا ضحك عليا وهفضحه
وسبق وأن ظهر نور التوت، في مقطع فيديو عبر حسابه بموقع فيسبوك، ودخل خلاله في حالة انهيار، قائلًا: أنا كـ نور التوت وعلي قدورة وفيجو الدخلاوي، هتكلم عن نفسي وبقول أنا اتسرقت في 200 ألف دولار من حمو بيكا، قناة مزيكا هي اللي إدته الفلوس، الفلوس دي بتاعة القناة اللي إحنا شقيانين عليها بقالنا 5 سنين، أخد 200 ألف دولار وبيقول أنا دافع فلوس لـ الضرائب.
وأضاف نور التوت: بنسأل فلوسنا فين بيقولوا بيكا واخد وإحنا منعرفش، أنا حقي هاخده منك بالقانون، اتضحك علينا في 200 ألف دولار من حمو بيكا، إحنا فلوسنا بتضيع وبيتجاب بيها شقق وعربيات وكل حاجة، وأنا هقلب عليك الدنيا كلها والضرائب، أقسم بالله والكعبة اللي زورتها مش هسيبلك جنيه من شقايا وتعبي يا بيكا، وأنا وأنت والقانون والضرائب، والحفلات اللي كل حفلة بـ مليون جنيه، أنا هفضحك.
