عمرو أديب: ممكن نستثني أسوان من انقطاع الكهرباء.. ونواب المحافظة فين؟
تحدث الإعلامي عمرو أديب عن ارتفاع درجة الحرارة في محافظة أسوان، وتعرض عدد من السودانيين للوفاة نتيجة ضربة شمس بسبب ارتفاع درجة الحرارة، قائلا: في إخوة كانوا جايين من السودان توفوا بسبب ضربات الشمس.. وممكن نستثني محافظة أسوان من انقطاع الكهرباء.. ليه العند؟!.
عمرو أديب: ممكن نستثني محافظة أسوان من انقطاع الكهرباء
وانتقد عمرو أديب خلال برنامج الحكاية، عدم وجود تحركات من أعضاء مجلس النواب عن محافظة أسوان للمطالبة باستثناء المحافظة من قرار تخفيف أحمال الكهرباء، معلقًا: ما حدش هيقول اشمعنا يعني.. دي ظروف خاصة، ونواب أسوان فين من القصة دي؟!.
كما أكد عمرو أديب أنه طبقا للأمم المتحدة في حد لارتفاع درجة الحرارة بعدها لا يسمح لأي شخص الذهاب إلى العمل، مردفا: هل شوفنا قرار بعدم الذهاب للعمل بعد ارتفاع درجة الحرارة؟.
وأضاف عمرو أديب: لما قطعت النور يا ترى مصانع قد إيه وقفت؟.. وهل المصانع دي هتدفع نفس الضرائب؟!، متابعا: أنا وطني وبحب بلدي ولكن لما درجة الحرارة توصل لـ 45 والكهربا مقطوعة، يبقى الأمر ملوش دعوة بالوطنية بقى.
واستكمل: الأخبار بتقول إن في تغييرات في وزارة الكهرباء بسبب الهدر، مردفا بـ: الله يكون في عون الوزير في مصر، إحنا مش عاوزين وزير، إحنا عاوزين سوبر مان.
