اللجان تؤخر دخول طلاب الثانوية العامة للامتحانات رغم تعليمات الوزير.. والتعليم: هياخدوا وقتهم كامل
أعرب عدد من أولياء أمور طلاب الثانوية العامة، بلجنة مدرسة الأورمان الإعدادية الثانوية بنات بالعجوزة، عن غضبهم الشديد، بسبب تأخر دخول أبنائهم لامتحانات والمقرر انطلاقها في التاسعة.
وقال أولياء الأمور في رسالة على أحد الجروبات التعليمية: "دخول الأولاد متأخر لغاية، دلوقتي إحنا برا مدرسة الأورمان الإعدادية الثانوية بنات العجوزة، وكل دا من وقت ولادنا إيه الحل".
قالت ولية أمر وتدعى راندا: "نفس الشكوى، التفتيش أخد وقت كبير لحد الساعة التاسعة تماما والولد مدخلش، مدرسة العروبة الرسمية الإعدادية".
امتحانات الثانوية العامة 2024
ونوه أولياء الأمور، إلى تعليمات الدكتور رضا حجازي، وزير التعليم في هذا الصدد، بقولهم: "مع أن الوزير قايل يدخلوا قبل المعاد بربع ساعة، عشان يلحقوا يكتبوا رقمهم في البابل شيت"، متابعين: "ليه القرارات اللي ف مصلحه الطالب مش بتتعمم على المدارس، بس القرارات اللي فيها تضيق على الطالب هى دى اللي بتتنفذ بمجرد مايتقال عنها في التليفزيون".
ورد مصدر بوزارة التربية والتعليم والتعليم الفني، على تلك الشكاوى، بقوله إن إجراءات التفتيش أخذت وقتا في بعض اللجان، وتم توجيه رؤساء اللجان بتدارك تلك المشكلة في الامتحانات المقبلة، فضلًا عن إعطاء الطالب حقه كامل ومد الوقت الذي تأخر فيه في دخول اللجنة.
