علامة مميزة للمنطقة| غلق العبودي يشعل مواقع التواصل الاجتماعي: دي مش روكسي بتاعتنا
تصدر اسم متجر العبودي الشهير لبيع وإيجار فساتين السهرة بميدان روكسي بمنطقة مصر الجديدة، تريند فيس بوك بعد إغلاقه وافتتاح متجر آخر، حيث يعتبره المواطنون علامة ممزية للميدان.
العبودي يتصدر الترند
وسرعان ما انتشرت صور المتجر الجديد مكان العبودي السابق، الذي استقر فيه لسنوات عديدة، وكان أشهر المحال الموجودة بمنطقة مصر الجديدة.
ونشر حساب باسم هبة محمد، صورة للمتجر الجديد مكان العبودي، معلقة: علاقتي بالأماكن تشبه علاقتي بالبشر علشان كده زعلت لما ملقتش محل العبودي النهاردة وأنا بتمشى في روكسي ولقيت بداله المحل ده، رغم إني مش من قرايب الحاج عبودي ولا أعرفه لا من قريب ولا من بعيد ولو إن قرايبه زمانهم فرحانين دلوقتي.
علامة من علامات روكسي
وكتب حساب آخر باسم سارة حسن: فين العبودي.. دي مش روكسي بتاعتنا، بينما قال يوسف مسعد: وداعا العبودي.. إشارة روكسي.
من جانبه علق مستخدم آخر: العبودي كان واحد من علامات روكسي المميزة مبقاش موجود خلاص للأسف.. باي باي العبودي، بالإضافة إلى حسام سامي: وأنا اللي كنت فاكرهم بيجددوا العبودي وأقول إزاي أبدًا استحالة ده أكيد تجديد.
وعلقت نهى يوسف: العبودي فين العبودي بصوت تامر حسني في عمر وسلمي، ده أنا كنت معلمة الشارع بيه، وكتب آخر: العبودي كان علامة من علامات روكسي، وقال مستخدم آخر باسم محمد نصر: كل ذكرياتنا الجميلة اختفت.. وداعًا العبودي، إلى جانب ريهام طه: هنقول إزاي للسواقين بعد كده ننزل عند العبودي.
