تعليق ناري من حازم إمام بشأن أحقية نادي القرن بين الزمالك والأهلي
علق حازم إمام عضو مجلس إدارة الاتحاد المصري لكرة القدم عن الجدل المثار بشأن أحقية نادي القرن بين الزمالك والأهلي في ظل الأحاديث المتداولة بصورة مستمرة لـ جماهير القطبين في أحقية كل منهما بـ لقب نادي القرن.
تصريحات حازم إمام
قال حازم إمام في تصريحات تليفزيونية: جمهور الزمالك هايقول إحنا أحق بـ لقب نادي القرن، وجمهور الأهلي بيقول لا إحنا الأحق بـ لقب نادي القرن الإفريقي.
وأضاف: أنا وجهة نظري بلاش نتكلم في الماضي خلاص خلينا نتكلم في الحاضر والقرن اللي إحنا فيه دلوقتي.
وأكمل: آه الزمالك في القرن الماضي كان أحسن وده رأيي اللي بقوله دايما، ولكن خلينا نفكر في الجاي والبطولات اللي جاية، والأهلي ماشي كويس جدا في القرن الجديد وبيكسب بطولات إفريقيا.
وتطرق حازم إمام بالحديث عن اختيارات روي فيتوريا وقت توليه تدريب منتخب مصر ووجود حازم إمام في منصب المشرف على المنتخب، قائلا: لم أرفض انضمام فتوح وصبحي لـ منتخب مصر وقت إيقافهما في الزمالك، ولكن قلت لـ فيتوريا دول مش بيلعبوا مع الزمالك عشان موقفين والراجل كان له وجهة نظر تانية.
وعن انضمام إمام عاشور لـ قائمة منتخب مصر في ذلك الوقت: كلمت كهربا عشان أعرف أوصل لـ إمام عاشور بعد اختياره في قائمة منتخب مصر عشان ماكنش حد فينا وقتها عارف يوصل لـ إمام ولا حتى خالد بيبو.
