كان بيرسل صوري الخاصة لكل اللي حواليا.. سيدة تعلق على زواج شريك حياتها: رماني واتجوز على عفشي
تصدرت فتاة تدعى إنجي سعيد ترند فيسبوك، وذلك بعدما نشرت بوست تهنئ فيه زوجها على زواجه للمرة الثانية قائلة: ألف مليون مبروك لأبو بناتي على جوازه الثاني من وقت ما كنت على ذمته، ويا رب عقبال مشوف ولادكم كدا، بس أبقى غير دبلتي عشان دي قديمة.
سيدة تهنئ زوجها بزوجته الثانية
وزعمت السيدة في بوست آخر: لما واحد يقول في حق مراته أبشع كلام وتوصل إنه يشكك في نسب بناته ليه، ويرميني بعد ما حافظت عليه وعلى بيته وأنزل واشتغل في المصانع واتبهدل من ورا أهلي عشان أسنده والبيت يعمر.
وادعت السيدة: كان بيتفق مع أمه عليا وياخد صوري في بيتي اللي ببعتهاله وأنا مراته ويبعتوها لكل اللي حواليا من أكونتات فيك، لما يحرمني من بناتي ست شهور لا بشوفهم ولا ألمح واحدة فيهم، وكل كام يوم يعشمني يجيب لي بناتي أشوفهم وميجبهمش، ويقول لي أصل أمي هتزعل وأمي حالفة عليا.
وتابعت السيدة: لما يسيب بيته بالشهور من غير جنيه، وكل شهر يقولي أصل مديون أصل عليا فلوس، لما يقعد مع مراته ويسجلها عشان يسمع الهانم، لما تبقى بنته تعبانة وعندها جفاف وبتموت مني وهو نايم يقولي اتصرفي وأنا أجري على المستشفيات، ولما جرحي بتاع الولادة يعمل مايكروب والدكتورة تقولي انزلي دلوقتي المستشفى وآجي أصحيه ميرضاش ويقولي الصبح، وبيتي كان بيبقى فاضي بعمل لبناتي ماية بسكر عشان مفيش فلوس وهو بيلبس برندات يا حضرات.
وأشارت: في الآخر يطلع متجوز عليا، طب ياسيدي طلقني، وسبني في حالي، متجوزها على عفشي حضرتك.
