إسماعيل فرغلي: سألت مستشارا بالأزهر عن عمل فيلم يوم القيامة ورد بأنه خير من مليون خطبة جمعة
حل الفنان إسماعيل فرغلي، ضيفًا على أحد البرامج الإذاعية وخلال لقائه كشف تفاصيل الأعمال الفنية التي يتمنى تقديمها الفترة المقبلة، مؤكدة أنه يتمنى تقديم عمل سينمائي بعنوان يوم القيامة، نظرًا لما يشهده المجتمع حاليًا من تدهور أخلاقيًا.
إسماعيل فرغلي: أتمنى عمل فيلم باسم يوم القيامة
وزقال إسماعيل فرغلي، في تصريحات إذاعية: سألت مستشار في الأزهر، هل في مشكلة إننا نعمل فيلم اسمه يوم القيامة؟، لأننا عايشين في مجتمع مفيهوش أخلاقيات الأخ بيأكل مال ولاد أخوه الأيتام والابن بيعصي أبوه وأمه، والإعلام يطلع يقول إن القيامة هتقوم كمان أسبوع، فى ناس تروح المدينة أو الكعبة علشان تموت فيها، ويكتشفوا إن مفيش يوم قيام بعد فترة.
وأضاف إسماعيل فرغلي: رد عليا المستشار قالي دي أحسن من مليون خطبة جمعة، واستدل بآية قرآنية بما معانا، لو ده هيحسن حال الناس لا بأس.
إسماعيل فرغلي يتحدث عن علاقته بزوجته
في سياق آخر، تحدث إسماعيل عن علاقته بزوجته حيث قال: مراتي دي بقالي معاها 26 سنة، ويعني مش لاقي حاجة تساهل أقول عليها إيه، كتر خيرها وبقول للناس تدعيلها ربنا يشفيها لأن دي الرزق اللي بجد.
واستكمل إسماعيل فرغلي حديثه، قائلًا: أنا ربنا مدنيش فلوس بس إداني اللي أحسن من الفلوس؛ لأن ممكن يكون معاك مليارات ومتعرفش تعيش، أنا بجنيه بعيش بألف بعيش مفيش بردو بعيش، وهي عمرها ما طلبت الطلاق مرة بس قالتلي كلمة وجعتني أوي قالتلي أنا قلبي وجعني من قلة الفلوس.
أعمال إسماعيل فرغلي
يذكر أن إسماعيل فرغلي شارك في السباق الرمضاني لهذا العام 2024، بمسلسل خالد نور ووالده نور خالد، والعمل من بطولة الثنائي الفنان شيكو، الفنان كريم محمود عبد العزيز، ويشارك فيه مجموعة كبيرة من الفنانين، أبرزهم: آية سماحة، دنيا ماهر، شريف رمزي، من تأليف أحمد عبدالوهاب، كريم سامي، وإخراج محمد أمين.
