المذيع الشهير ضحية أكرم سلام في التحقيقات: قالي هنشر فيديوهاتك وهخلي مصر كلها تضحك عليك
كشفت التحقيقات في واقعة ابتزاز مذيع شهير على يد البلوجر والمحامي أكرم سلام، والذي قضت المحكمة بمعاقبته بالحبس 3 سنوات، تهديد المذيع والتعدي عليه بالسب والقذف وطعنه في عرضه، بعد خلافة مع سيدة كان على علاقة بها قبل زواجه من مذيعة شهيرة والتي توجهت إلى البلوجر وطلبت منه المساعدة وظل يهدده ويبتزه في حال رفضة دفع مبلغ 260 ألف جنيه.
تحقيقات المذيع الشهير ضحية أكرم سلام
وقال المذيع الشهير أمام جهات التحقيق في ضحية ابتزاز أكرم سلام: اللي حصل إني من حوالي سنة وشهرين كنت على علاقة صداقة مع سيدة من دولة عربية تدعى دينا.م وكان بينا مراسلات ومحادثات تحتوي على صور مخلة خاصة بيا، لكن من حوالي شهر بطلنا نتكلم بعد زواجي من زوجتي الإعلامية بإحدى القنوات.
وأضاف المذيع ضحية ابتزاز أكرم سلام: من حوالي عشرين يوم تفاجأت بأن دينا نزلت مصر وعرفت إنها راحت للمحامي بتاعي أكرم.أ والشهير بأكرم سلام وبعتتله الصور الفاضحة اللي أنا كنت باعتها ليها والفيديوهات وقبل ما تعمل كده لقيتها بتهددني على الواتساب الخاص بيا أني لو مدفعتش 260 ألف جنيه هتفضحني.
وتابع: وبعدها لقيت جالي رسائل على الواتساب من أكرم بيهددني فيها وبيبتزني وبيساومني وبيقولي لو مدفعتش للست 260 ألف جنيه هفضحك وهنشر فيديوهاتك وصورك وإنه معاه ليا فيديوهات عنب وهخلي مصر كلها تضحك عليك.
