سعد المصفوع من عمرو دياب: مينفعش أضرب واحد في عمر أبويا مش أخلاقنا كصعايدة
ظهر الشاب سعد أسامة ابن مدينة إسنا جنوب محافظة الأقصر صاحب واقعة الصفع من عمرو دياب في فيديو على موقع التواصل الاجتماعي فيس بوك مدافعا عن نفسة ضد من هاجموة بعدم أخذ حقة من عمرو دياب على المسرح أمام الجميع كما ضربه.
عمرو دياب قد ابويا علشان كده مردتلوش القلم
وقال سعد: أخلاقي وتربيتي منعتنى من أخذ حقي ورد القلم للمطرب عمرو دياب على المسرح أمام الجميع كما صفعنى أمام الجميع فهو بعمر أبي ومش ممكن أخد حقي من واحد قد أبويا مش أخلاقنا كصعايدة ومتربيناش على كده.
مش هتنازل عن حقي وواثق في نزاهة القضاء المصري
وأضاف سعد: أنا بنفي أي إشاعات طلعت إنى تصالحت أو تنازلت وقبلت أي تعويضات، ومش هتنازل عن حقي بالقانون والقضاء.
وواصل سعد: أنا بثق في حكمة ونزاهة وعدالة القضاء المصري، وواثق إنه هيجيبلي حقي ويردلي كرامتي وعلشان كده لجأت له.
وقال سعد: بشكر كل اللي وقف جنبي ودعمنى وخصوصا أهلنا في الصعيد، وحابب اقولكم أنا مش ممكن أتنازل عن حقي أبدا ولا رد اعتباري وكرامتي.
