مها أحمد تنفعل على متابعيها بعد انتقادهم كثرة لايفاتها: بستفيد من هجومكم وبيجبلي فلوس
انفعلت الفنانة مها أحمد على متابعيها خلال لايف على موقع الفيديوهات تيك توك، بعد سؤالها عن موقف زوجها الفنان مجدي كامل من ظهورها في لايفات على الأبلكيشن 24 ساعة.
وقالت مها أحمد خلال الفيديو: أي حد حاطط في دماغه أنت فين يا مجدي وسايبها على تيك توك 24 ساعة، أصل هي بتعمل فيديوهات على تيك توك، عايزة أقولهم هو حببني كده وبيموت فيا كده، ويا سلام بقى لو أنا زعلت وروحت اشتكيت لي بتفيدوني يا بعده وبيجبلي هدايا في ساعتها وبيروح يشتري ليا برفانات عشان عارف أني بحبها.
وأضافت مها أحمد: أنا بحب أوي كل اللى يضايقني ويكيدني في اللايف ليه، عشان بستفيد من هجومكم وبيجيلي فلوس أكتر وداعمين، ومجدي بيقعد يقولى إلا زعلك يا مها مع أني مش بعيط عشان بستخسر الدموع بصراحة، عايزكم تفضلوا تضايقوني كل شوية وتسألوني على مجدي كامل.
مها أحمد مع رامز جلال
وكانت وقع الفنانان مها أحمد وفادي خفاجة، ضحيتين لـ رامز جلال في وقت سابق ببرنامجه رامز جاب من الآخر، والذي عرض على شاشة قناة MBC مصر.
وبكت مها أحمد بعد وقوعها في فخ مقلب رامز جاب من الأخر، معلقة: أنا غلطانة أني سمعت كلامك وجيت يا رامز.