شقيق طالب كلية الطب المنتحر بأكتوبر: مستحملش تعذيب وضرب أصحابه فقفز من البلكونة | تحقيقات
لم يعلم شقيق طالب كلية الطب أن شقيقه سيلقي نفسه من شرفة الشقة بعد تعرضه للتهديد من قبل 9 من زملائه بالسكن الجامعي والتعدي عليه بالسب والضرب لخلافات مالية، وعدم قدرته على سداد أموال اقترضها من زملائه في عمل بمنصات رقمية، حيث ظن أن الأمر سينتهي بالتشاجر والتوجه إلى القسم لكن أصحابه ضغطوا عليه حتى أنهى حياته.
طالب بكلية الطب البشري ينهي حياته
تعرف الطالب بكلية الطب م.ع منذ فترة على مجموعة من الأشخاص عمل معهم في منصات العملة الرقمية، وباقتراضه منهم الأموال وعدم مقدرته على سدادها، ذهبوا إلى شقته لتهديده والتعدي عليه بالضرب والسباب، ما دفعه لإلقاء نفسه من شرفة الشقة السكنية.
اتهم شقيق طالب كلية الطب أصدقاءه الذين عمل معهم في منصات العملة الرقمية، بتهديده في شقته والتعدي عليه بالضرب والسباب، ما دفعه لإلقاء نفسه من شرفة الشقة السكنية، خوفا من بطشهم به وتسليمهم إياه للشرطة.
تحقيقات انتحار طالب بكلية الطب
وأمام جهات التحقيق قال الشاب شقيق طالب كلية الطب المتوفى: هو لما كلمني قالي حاول تتصرف في فلوس عشان مش هيسيبوني في حالي غير لما ياخدوا فلوس، وكان شغال معاهم في منصة بتتعامل في العملات الرقمية بس معرفش اسمها، وكان عليه تقريبا حوالی 7000 دولار.
وأردف: كان شغال بقاله حوالي كذا سنة مع أصحابه، وهما كلموني وعرفتهم من 3 سنين على إنهم وسيط بيحلوا مشاكل بين أخويا وناس تانية عشان فلوس برضه، علشان هما كانوا شغالين مع بعض، وبعدين أخويا اداين ليهم وبرضه عملوا نفس الموضوع من 3 سنين، وراحوا واخدينه ضاربينه لحد لما قعد يحاول يرجعلهم الفلوس بتاعتهم، وقولت ساعتها أنا هتصرف وجبت الفلوس بتاعتهم ودفعتها وقولتله خلاص كده ابعد عنهم وقالي ماشي، وهو اختفى عننا بقاله کام شهر وكنا مقاطعينه بسبب الحوارات دي وبرضه في مشاكل ليه مع ناس تانية كان ليهم فلوس وقدموا عليه شيكات، وأنا بتهمهم إنهم اللي عملوا كده في أخويا يا إما هو مستحملش التعذيب والضرب اللي كانوا بيضربوه ليه فنط من البلكونة.
