عمرو يوسف يكشف صعوبات تصوير فيلم ولاد رزق 3: كانت مفاجأة من ربنا إننا نحقق رقم تاريخي
تحدث الفنان عمرو يوسف عن نجاح الجزء الثالث من فيلم ولاد رزق: القاضية، خلال افتتاح الفيلم بالسعودية بحضور أبطال وصناع العمل.
عمرو يوسف يكشف صعوبات تصوير فيلم ولاد رزق 3: كانت مفاجأة من ربنا إننا نحقق رقم تاريخي
وكشف عمرو يوسف صعوبات تصوير العمل قائلًا: أول أيام التصوير كنا بنصور في الماتش الحقيقي بتاع تايسون فيوري بطل العالم في الملاكمة، وكان في متخصصين من برا بيصوروا الماتش ده، وكان المفروض نحط الكاميرات بتاعتنا والإضاءة في وقت الحقيقي اللي بيتلعب فيه الماتش وده كان صعب ومفيش مكان للكاميرات بتاعتنا، وكان لازم نبقى جاهزين طول الوقت، والتسهيلات دي لولا دعم هيئة الترفيه مكناش هنقدر نعملها.
وبشأن توقعه للنجاح الكبير الذي حققه الفيلم وأنه أول فيلم في تاريخ السينما يحقق أكثر من 48 مليون في أربع أيام قال: سلسلة أفلام ولاد رزق حققت نجاحًا كبيرًا جدًَا من الجزء الأول والناس مرتبطين بالفيلم وأبطاله وبيحبوهم، وكنا متوقعين نجاح كبير للفيلم ومتحمسن له وكانت مفاجأة كبيرة من عند ربنا سبحانه وتعالى إنه وفقنا وقدرنا نحقق رقم تاريخي وخيالي.
وأضاف: سعداء بالموضوع ده وتعبنا جدا في الفيلم وطالع بشكل كويس، والناس اللي اتفرجت عليه في مصر دخلته أكتر من مرة واللي كان بيقدر يحصل على تذكرة تانية لأنه صعب جدًا كان بيدخل الفيلم تاني وسعيد بالنجاح وسعيد إننا صورنا هنا.
بدوره كشف كريم قاسم أن الفيلم في الجزء الثالث محافظ على روح العمل، قائلًا: الجزء ده على قد ما هو مختلف هو محافظ على روح ولاد رزق، والاختلاف إن الجزء الأول والتاني فيه عمليات كتير في الأول وبعدين عملية كبيرة، لكن الجزء الثالث عملية كبيرة قائمة في الرياض، والتصوير في السعودية وانبسطت جدًا بالناس اللي قابلنهم واشتغلنا معاهم الناس رحبت بينا وهنا في البلوليفارد كان في تأمين علشان لو حصل تزاحم أو تدافع الناس كانت بتساعدنا ومرحبة بينا ومحترمين ده، صورنا ليلة كاملة والناس ما ضيقتناش الناس كانت مبسوطة بوجودنا وما عطلتش الشغل، وبوجه الشكر كل الناس على مساعدتهم لينا وتراحبهم بينا.
