صاحب تريند الطفاية عن واقعة بائع غزل البنات: حصلت لي مرة ورميت بضاعتي من القطر.. وربنا عوضني
كشف أيوب القاضي، صاحب تريند الطفاية دي، تفاصيل تعرضه لموقف مشابه لما حدث بائع غزل البنات، منذ سنوات، خلال عمله ببيع طفايات السجائر في القطارات.
صاحب ترند الطفاية دي
وقال أيوب القاضي في منشور له عبر فيسبوك: كنت ببيع فى القطار واليوم ده مكنتش بايع حاجة خالص، قابلنى الكمساري قالي تذكرتك، واليوم دة الوحيد اللي مكنتش قاطع فيه تذكرة بسبب أني مكنتش بايع حاجة، مشيرا إلى أنه تعرض للإحراج خاصة بعدما قال له بصوت مرتفع: أنت رايح جاي في القطر بطفيتين وعروستين وعامل نفسك بتبيع.
وواصل أيوب القاضي: صعبت عليا نفسي ومسكت البضاعة كلها اللي كانت معايا رميتها من القطر وندمت لما عملت كده، عشان مش من طبعي، بس يمكن كان عليا التزامات وكان رزق يوم بيوم بالنسبة لي.
وأشار صاحب ترند الطفاية دي، بعد الموقف ده بكام يوم صوروني وأنا بقول الطفاية دي، وانتشر الفيديو وكان سببا في تحول حياتي بالكامل للأفضل، مردفا: كلها أرزاق وربنا مقسمها وكل واحد فينا واخد رزقه الـ24 قيراط، محدش واخد أزيد من التاني، ربنا عوضه كبير.
