أحمد عز: ولاد رزق 3 من أصعب الأجزاء اللي اتعملت.. وقدرنا نعمل زي الخواجة
أعرب الفنان أحمد عز، عن سعادته الكبيرة بـ افتتاح الجزء الثالث من فيلمه ولاد رزق، في مدينة الرياض بالمملكة العربية السعودية، بجانب حديثه عن الشراكة المصرية السعودية لإنتاج الأعمال الفنية.
وقال أحمد عز، في المؤتمر الصحفي، المقام حاليًا بالرياض، على هامش العرض الخاص لـ فيلم ولاد رزق 3: إحنا سعداء جدًا أننا بنفتح الفيلم هنا في العيد، دي حاجة بتسعدنا وتشرفنا، الفيلم ده كان من أصعب الأجزاء اللي اتعملت، ولولا دعم تركي آل الشيخ مكنش الفيلم طلع بالشكل ده.
وتابع أحمد عز: الشراكة المصرية السعودية بتفيد الفيلم وبتخليه يقرب من المستوى العالمي، الفيلم العربي لازم يقرب وأنا دايمًا بتحمس وعندي الفكر إني أقدر أعمل زي الخواجة بالدعم والتنظيم والمادة اللي بقت أساسية في الإنتاج علشان تواكب.
فيلم ولاد رزق 3
وحقق فيلم ولاد رزق 3، أعلى إيراد يومي في شباك التذاكر، حيث اقتربت إيرادات العمل من تحقيق 50 مليون جنيه في 5 أيام فقط، ليصبح الفيلم صاحب أعلى إيرادا يومي في تاريخ السينما المصرية.
أبطال فيلم ولاد رزق3
وشارك في فيلم ولاد رزق 3، مجموعة كبيرة من النجوم أبرزهم: الفنان أحمد عز، والفنان عمرو يوسف، كريم قاسم، سيد رجب، محمد ممدوح، نسرين أمين، علي صبحي، وضيف شرف الفنان كريم عبد العزيز، وهو من تأليف صلاح الجهيني، وإخراج طارق العريان.
