بلوجر حلوان في التحقيقات: كان بيقول على نفسه دكتور وهو خريج اقتصاد منزلي والعيادة بتاعته غير مصرح بيها
يستكمل القاهرة 24 نشر نص التحقيقات في القضية رقم 46352 لسنة 2023، والمقيدة برقم 6200 لسنة 2023 إداري حلوان، والتي وجه فيها أحد الأشخاص لزوجته تعمل بلوجر، وتقدم محتوى عبر منصات السوشيال ميديا، تهمة الزنا، بعدما تفاجأ بأحد الأشخاص، يرسل له عدة مقاطع فيديو وصور وتسجيلات، لزوجته مع أحد الأشخاص، فتأكد من خيانتها له، وتقدم زوجها ببلاغ، يحتوي على فلاشة بها مقاطع مخلة بالآداب وتسجيلات صوتية، ومكالمات جنسية لها مع أحد الأشخاص.
بلوجر حلوان
وجاءت أقوال بلوجر حلوان أمام جهات التحقيق كالآتي: بسؤالها عن طبيعة تلك البيانات تحديدا، قالت:" صور ليا وأنا عريانة ومحادثات ليا مع عمرو عواد خطيبي السابق، ومختار كان على علم بالعلاقة دي واللي خلاه يبعد عني وساعتها أنا وافقت عليه واتجوزته، وبعد كدا تم كتب الكتاب يوم 2022/3/18 وبعدها حضرنا للفرح وتجهيزات الشقة كلها وبالفعل حددنا الفرح يوم 2022/5/26.
وأضافت بلوجر حلوان في التحقيقات: ودخلنا وعشت عيشة معاه كويسة في الأول، وبعدها بثلاث شهور اكتشفت أنه بيخونی مع بنات ثانية واكتشفت أنه بيقول على نفسه دكتور وهو خريج اقتصاد منزلي واكتشفت أن العيادات بتاعته دي غير مصرح بيها أصلا وأنه شغله كله شغل شمال ولما ابتديت أواجهه بالكلام ده، دافع عن نفسه وبدا يعرض عليا اني أرجع اشتغل معاه عشان يتاكد أنه شغال شغل شریف، ونزلت فعلا معاه شغل وفتحنا سنتر تجميل في شارع مترو حلوان فوق عصارة الميريلاند أمام مترو حلوان ببرج الصيفي، واشتغلت فيه كوافيره وکملت شغلي معاه عادي جدا وكنت بروح السنتر أشتغل وأرجع البيت.
وتابعت بلوجر حلوان: وخلال الفترة دي طلب مني إني أخلع الطرحة وأكون بشعري وأنه هو هيعمل صفحات على منصات التواصل الاجتماعي باسمي وكان بيجيبلي لبس عشان أتصور بيه كنوع من أنواع الدعاية لسنتر التجميل بتاعنا وهو كان ماسك الصفحات دي ومتحكم فيها وبدأ يتكلم باسمي على الصفحات دي لما بقى في محادثات وبدأ يحصل بيني وبينه مشاكل في الشغل بسبب الموضوع ده وفي شهر 2022/8 عرفت أني حامل في الشهر الثالث تقريبا وانبسط جدا ساعتها واهله كلهم كانوا فرحانين بيا وبيه وبعدين لما عرف كدا بدا يبقى كويس معايا وبطل يخوني وبدا يبقى كويس معايا أوي طول فترة الحمل وأنا كنت ساعتها مبسوطة معاه.
